الماتىدا سايلاۋ ۋچاسكەلەرٸنٸڭ قىزمەتكەرلەرٸنٸڭ اراسىنان 8 ادامنان ۆيرۋس انىقتالدى. بۇل تۋرالى الماتى سانيتارييالىق-ەپيدەميولوگييالىق باقىلاۋ دەپارتامەنتٸنٸڭ باسشىسى, قالانىڭ باس مەملەكەتتٸك سانيتار دەرٸگەرٸ جانداربەك بەكشين ونلاين بريفينگتە ايتتى, دەپ حابارلايدى "ۇلت اقپارات".
«2020 جىلى 29 جەلتوقساندا سايلاۋ كوميسسيياسىنىڭ قىزمەتكەرلەرٸ, باقىلاۋشىلار, سەنٸمدٸ تۇلعالار كۆي تەستٸلەۋٸنەن ٶتەتٸنٸ جارييالانعان بولاتىن. بۇل جۇمىس 3 قاڭتاردىڭ تٷنگٸ 24:00-گە دەيٸن اياقتالۋى تيٸس بولاتىن. وسىدان كەيٸن تٸركەۋ باستالدى. 3 قاڭتارعا دەيٸن 10 مىڭ ادام تٸركەلگەن. ونىڭ ٸشٸندە 5000 باقىلاۋشى, سەنٸمدٸ تۇلعالار, باسقالار دا بار. بۇل جۇمىستار 5 قاڭتاردان باستاپ اتقارىلا باستادى. 2 تەۋلٸكتە 5840 ادام تەكسەرٸلدٸ. قالعان 4000 استام ادام ەكٸ كٷندە تەكسەرٸلەدٸ. وسىلاردىڭ اراسىنان 8 ادامنان ۆيرۋس انىقتالدى. ولار جۇمىستان شەتتەتٸلدٸ. ولاردىڭ ناقتى باقىلاۋشىلار, سەنٸمدٸ تۇلعالار, سايلاۋ كوميسسيياسى جۇمىسكەرلەرٸ ەكەنٸن ايتا المايمىز. بۇل مەلٸمەت ازدان كەيٸن بەلگٸلٸ بولادى», - دەدٸ جانداربەك بەكشين.
ونىڭ ايتۋىنشا, الماتىدا قاڭتاردىڭ باسىندا 600-دەن استام ادام ۆيرۋس جۇقتىرعان.
