Almatyda sanaq qyzmetkerlerin qabyldaýǵa baiqaý jariialandy, dep habarlaidy "Ult aqparat".
Eske salaiyq, Qazaqstanda 2021 jyldyń 1 qyrkúieginen 30 qazan aralyǵynda kezekti ulttyq halyq sanaǵy ótedi. Soǵan bailanysty QR Strategiialyq josparlaý jáne reformalar agenttigi Ulttyq statistika biýrosynyń Almaty qalasy boiynsha departamenti óteýli qyzmet kórsetý sharty boiynsha sanaq personalyn irikteý týraly konkýrs jariialaidy.
Óteýli qyzmet kórsetý sharty boiynsha 1 kezeńniń sanaq personalyn irikteý týraly konkýrs jariialanady.
Kezekti halyq sanaǵyn júrgizýge 48 nusqaýshy-baqylaýshy men 618 tirkeýshiler qajet.
Nusqaýshylar 2021 jylǵy mamyr-shilde aralyǵynda eńbek etse, tirkeýshiler 2021 jylǵy 01 maýsymnan bastap 30 maýsymǵa deiin jumys isteidi.
Osy ýaqyt aralyǵyna olardyń laýazymdyq jalaqysy sáikesinshe 125 000 - 83 000 myń teńge bolady.
Qyzmetke úmitkerdiń kásiptik bilim deńgeiine qoiylatyn talaptar: joǵary, tehnikalyq jáne kásiptik, orta bilimnen keiingi, jalpy orta bilim.
Jumys ótili boiynsha talaptardy qoiylmaidy.
Jeke quzyretterine qoiylatyn talaptar: taldamalyq paiymdaý, yqpal etý, komandada jumys isteý, qarym-qatynas qurý, aýyzsha jáne jazbasha kommýnikatsiia, jaýapkershilik, ádeptilik normalaryn ustaný, ádistemeni igerý, normativtilik, nátijege baǵdarlaný kiredi.
Anyqtama alý úshin Qazaqstan Respýblikasynyń Strategiialyq josparlaý jáne reformalar agenttigi Ulttyq statistika biýrosynyń Almaty qalasy boiynsha departamentine júginý kerek, mekenjai – Abai dańǵyly, 125, 050008, telefon – 8 (727) 330-89-16, 8 (727) 375-21-88, elektrondy poshta – almatystat@mail.ru.
