الماتىدا ساناق قىزمەتكەرلەرٸن قابىلداۋعا بايقاۋ جارييالاندى, دەپ حابارلايدى "ۇلت اقپارات".
ەسكە سالايىق, قازاقستاندا 2021 جىلدىڭ 1 قىركٷيەگٸنەن 30 قازان ارالىعىندا كەزەكتٸ ۇلتتىق حالىق ساناعى ٶتەدٸ. سوعان بايلانىستى قر ستراتەگييالىق جوسپارلاۋ جەنە رەفورمالار اگەنتتٸگٸ ۇلتتىق ستاتيستيكا بيۋروسىنىڭ الماتى قالاسى بويىنشا دەپارتامەنتٸ ٶتەۋلٸ قىزمەت كٶرسەتۋ شارتى بويىنشا ساناق پەرسونالىن ٸرٸكتەۋ تۋرالى كونكۋرس جارييالايدى.
ٶتەۋلٸ قىزمەت كٶرسەتۋ شارتى بويىنشا 1 كەزەڭنٸڭ ساناق پەرسونالىن ٸرٸكتەۋ تۋرالى كونكۋرس جارييالانادى.
كەزەكتٸ حالىق ساناعىن جٷرگٸزۋگە 48 نۇسقاۋشى-باقىلاۋشى مەن 618 تٸركەۋشٸلەر قاجەت.
نۇسقاۋشىلار 2021 جىلعى مامىر-شٸلدە ارالىعىندا ەڭبەك ەتسە, تٸركەۋشٸلەر 2021 جىلعى 01 ماۋسىمنان باستاپ 30 ماۋسىمعا دەيٸن جۇمىس ٸستەيدٸ.
وسى ۋاقىت ارالىعىنا ولاردىڭ لاۋازىمدىق جالاقىسى سەيكەسٸنشە 125 000 - 83 000 مىڭ تەڭگە بولادى.
قىزمەتكە ٷمٸتكەردٸڭ كەسٸپتٸك بٸلٸم دەڭگەيٸنە قويىلاتىن تالاپتار: جوعارى, تەحنيكالىق جەنە كەسٸپتٸك, ورتا بٸلٸمنەن كەيٸنگٸ, جالپى ورتا بٸلٸم.
جۇمىس ٶتٸلٸ بويىنشا تالاپتاردى قويىلمايدى.
جەكە قۇزىرەتتەرٸنە قويىلاتىن تالاپتار: تالدامالىق پايىمداۋ, ىقپال ەتۋ, كوماندادا جۇمىس ٸستەۋ, قارىم-قاتىناس قۇرۋ, اۋىزشا جەنە جازباشا كوممۋنيكاتسييا, جاۋاپكەرشٸلٸك, ەدەپتٸلٸك نورمالارىن ۇستانۋ, ەدٸستەمەنٸ يگەرۋ, نورماتيۆتٸلٸك, نەتيجەگە باعدارلانۋ كٸرەدٸ.
انىقتاما الۋ ٷشٸن قازاقستان رەسپۋبليكاسىنىڭ ستراتەگييالىق جوسپارلاۋ جەنە رەفورمالار اگەنتتٸگٸ ۇلتتىق ستاتيستيكا بيۋروسىنىڭ الماتى قالاسى بويىنشا دەپارتامەنتٸنە جٷگٸنۋ كەرەك, مەكەنجاي – اباي داڭعىلى, 125, 050008, تەلەفون – 8 (727) 330-89-16, 8 (727) 375-21-88, ەلەكتروندى پوشتا – almatystat@mail.ru.
