Almatyda quqyq qorǵaý organdary iri farmatsevtikalyq qylmystyq shemanyń jolyn kesti. Ishki ister ministrligi men Ulttyq qaýipsizdik komitetiniń birlesken operatsiiasy barysynda kórshi elderden dári-dármekterdi zańsyz tasymaldap, olardy dárihanalar arqyly ótkizýmen ainalysqan tórt farmatsevtikalyq kompaniianyń qyzmeti toqtatyldy, dep habarlaidy ult.kz.
Tergeý barysynda kúdiktilerdiń kontrabandalyq ónimderdi satýmen ǵana shektelmei, psihotroptyq zattar bar dári-dármekterdi qoldan jasaǵany anyqtaldy. Quqyq qorǵaýshylar birneshe qoima men jasyryn óndiristik tsehty tapqan. Tergeý málimetinshe, kontrafaktilik ónimder sanitarlyq talaptarǵa sai kelmeitin jaǵdaida daiyndalǵan, bul azamattardyń densaýlyǵy men ómirine qaýip tóndirgen.
Sonymen qatar farmatsevtikalyq baqylaý salasyndaǵy birqatar laýazymdy tulǵalardyń zańsyz qyzmetti aqshalai syiaqy úshin qorǵap kelgeni belgili boldy. Olar para alý faktisi boiynsha jaýapqa tartylyp jatyr.
IIM málimetinshe, qarjy jáne taýar ainalymyn taldaý nátijesinde kóleńkeli shemalardyń bolǵany rastalǵan. Aldyn ala esep boiynsha, memleketke bir jyldyń ishinde 800 million teńgeden astam salyq pen mindetti tólem tólenbegen.
Arnaiy operatsiia kezinde iri kólemdegi aqsha, ondaǵan myń qorap jalǵan dári-dármek, ainalymy shektelgen preparattar, sondai-aq olardy óndirýge arnalǵan jabdyqtar men shikizat tárkilendi.
Qylmystyq shemany uiymdastyrýshylar men olardyń sybailastary qamaýǵa alyndy. Qazirgi ýaqytta tergeý jalǵasyp jatyr. Quqyq qorǵaý organdary iske qatysy bar barlyq tulǵalardy, sondai-aq dári-dármekterdi shetelden jetkizý arnalarynyń tolyq tizbegin anyqtaýda.
