الماتىدا قۇقىق قورعاۋ ورگاندارى ٸرٸ فارماتسەۆتيكالىق قىلمىستىق سحەمانىڭ جولىن كەستٸ. ٸشكٸ ٸستەر مينيسترلٸگٸ مەن ۇلتتىق قاۋٸپسٸزدٸك كوميتەتٸنٸڭ بٸرلەسكەن وپەراتسيياسى بارىسىندا كٶرشٸ ەلدەردەن دەرٸ-دەرمەكتەردٸ زاڭسىز تاسىمالداپ, ولاردى دەرٸحانالار ارقىلى ٶتكٸزۋمەن اينالىسقان تٶرت فارماتسەۆتيكالىق كومپانييانىڭ قىزمەتٸ توقتاتىلدى, دەپ حابارلايدى ult.kz.
تەرگەۋ بارىسىندا كٷدٸكتٸلەردٸڭ كونتراباندالىق ٶنٸمدەردٸ ساتۋمەن عانا شەكتەلمەي, پسيحوتروپتىق زاتتار بار دەرٸ-دەرمەكتەردٸ قولدان جاساعانى انىقتالدى. قۇقىق قورعاۋشىلار بٸرنەشە قويما مەن جاسىرىن ٶندٸرٸستٸك تسەحتى تاپقان. تەرگەۋ مەلٸمەتٸنشە, كونترافاكتٸلٸك ٶنٸمدەر سانيتارلىق تالاپتارعا ساي كەلمەيتٸن جاعدايدا دايىندالعان, بۇل ازاماتتاردىڭ دەنساۋلىعى مەن ٶمٸرٸنە قاۋٸپ تٶندٸرگەن.
سونىمەن قاتار فارماتسەۆتيكالىق باقىلاۋ سالاسىنداعى بٸرقاتار لاۋازىمدى تۇلعالاردىڭ زاڭسىز قىزمەتتٸ اقشالاي سىياقى ٷشٸن قورعاپ كەلگەنٸ بەلگٸلٸ بولدى. ولار پارا الۋ فاكتٸسٸ بويىنشا جاۋاپقا تارتىلىپ جاتىر.
ٸٸم مەلٸمەتٸنشە, قارجى جەنە تاۋار اينالىمىن تالداۋ نەتيجەسٸندە كٶلەڭكەلٸ سحەمالاردىڭ بولعانى راستالعان. الدىن الا ەسەپ بويىنشا, مەملەكەتكە بٸر جىلدىڭ ٸشٸندە 800 ميلليون تەڭگەدەن استام سالىق پەن مٸندەتتٸ تٶلەم تٶلەنبەگەن.
ارنايى وپەراتسييا كەزٸندە ٸرٸ كٶلەمدەگٸ اقشا, ونداعان مىڭ قوراپ جالعان دەرٸ-دەرمەك, اينالىمى شەكتەلگەن پرەپاراتتار, سونداي-اق ولاردى ٶندٸرۋگە ارنالعان جابدىقتار مەن شيكٸزات تەركٸلەندٸ.
قىلمىستىق سحەمانى ۇيىمداستىرۋشىلار مەن ولاردىڭ سىبايلاستارى قاماۋعا الىندى. قازٸرگٸ ۋاقىتتا تەرگەۋ جالعاسىپ جاتىر. قۇقىق قورعاۋ ورگاندارى ٸسكە قاتىسى بار بارلىق تۇلعالاردى, سونداي-اق دەرٸ-دەرمەكتەردٸ شەتەلدەن جەتكٸزۋ ارنالارىنىڭ تولىق تٸزبەگٸن انىقتاۋدا.
