Almatyda psihikalyq densaýlyq ortalyǵynan ketken er adam men áielge qatysty politsiia túsinikteme berdi. Quqyq qorǵaý organdarynyń málimetinshe, eki azamat meditsinalyq mekemeden ártúrli kúnderi óz betimen shyǵyp ketken jáne olardyń arasynda bailanys joq, dep habarlaidy ult.kz.
Politsiianyń málimetinshe, eki jaǵdai boiynsha da Bostandyq aýdandyq politsiia basqarmasy izdeý jumystaryn bastaǵan.
«Olar meditsinalyq mekemeden ár kúnderi óz betinshe shyǵyp ketken jáne olardyń bir-birine qatysy joq. Qazir azamattardyń ornalasqan jerin anyqtap, olardy meditsinalyq mekemege qaitarý úshin jedel jáne izdestirý sharalary júrgizilip jatyr», – delingen politsiia habarlamasynda.
Aita keteiik, 37 jastaǵy Nelli Shahrai men 35 jastaǵy Denis Antipin birneshe aidan beri izdestirilip jatyr.
Nelli Shahrai 2026 jylǵy 16 sáýirde Almatydaǵy Psihikalyq densaýlyq ortalyǵynan shyǵyp ketken. Boiy – 167 santimetr, dene bitimi ortasha. Shashy uzyn, qara-qońyr tústi, kózderi qońyr. Joǵalǵan kezde ústinde qoiý kók kofta, kúlgin shalbar jáne kók tústi aiaq kiim bolǵan.
Denis Antipin 2026 jylǵy 13 mamyrda atalǵan meditsinalyq ortalyqtan shyǵyp ketken. Boiy – 180 santimetr, dene bitimi ortasha. Shashy qysqa, qara-qońyr, kózderi qońyr. Sońǵy ret qara keýdeshe, aq fýtbolka, qara shalbar jáne qara slantsy kigen.
