Almatyda «Olimp» býkmekerlik keńsesi ákimshiliginiń zańsyz oiyn biznesin uiymdastyrý faktisi boiynsha sotqa deiingi tergeý bastaldy, dep habarlaidy Ulttyq qaýipsizdik komitetiniń baspasóz qyzmeti.
UQK Almaty qalasy boiynsha departamenti prokýratýra organdarymen birlesip, «Olimp» býkmekerlik keńsesi ákimshiliginiń zańsyz oiyn biznesin uiymdastyrý faktisi boiynsha sotqa deiingi tergeý júrgizýge bastamashy boldy.
«Tergeý derekteri boiynsha, kompaniia Qazaqstan Respýblikasynyń qoldanystaǵy zańnama normalaryn buza otyryp, belgili bir tabys tabý úshin internet-resýrs arqyly litsenziialanbaǵan áreketti júzege asyrǵan. Tiisinshe, osy salaǵa salyq salynbaǵan. Aqshalai qarajatty Qazaqstan sheginen tys zańsyz shyǵarý arnalary anyqtalyp, oqshaýlandy. Qarjy qylmysyna jatatyn ózge de áreketter tirkelýde» delingen habarlamada.
2019 jylǵy 29 qarashada Almaty qalalyq mamandandyrylǵan aýdanaralyq ákimshilik soty «Olimp» BK saýda belgisimen «Only bet» JShS jáne «Alpha bet» JShS berilgen litsenziia qoldanysyn 6 ai merzimge toqtatty.
Qazirgi ýaqytta «Olimp» BK zańsyz áreketiniń, sondai-aq salyq zańnamasyn buzýdyń naqty aýqymyn anyqtaý boiynsha tergeý is-sharalary júrip jatyr.
