الماتىدا «وليمپ» بۋكمەكەرلٸك كەڭسەسٸ ەكٸمشٸلٸگٸنٸڭ زاڭسىز ويىن بيزنەسٸن ۇيىمداستىرۋ فاكتٸسٸ بويىنشا سوتقا دەيٸنگٸ تەرگەۋ باستالدى, دەپ حابارلايدى ۇلتتىق قاۋٸپسٸزدٸك كوميتەتٸنٸڭ باسپاسٶز قىزمەتٸ.
ۇقك الماتى قالاسى بويىنشا دەپارتامەنتٸ پروكۋراتۋرا ورگاندارىمەن بٸرلەسٸپ, «وليمپ» بۋكمەكەرلٸك كەڭسەسٸ ەكٸمشٸلٸگٸنٸڭ زاڭسىز ويىن بيزنەسٸن ۇيىمداستىرۋ فاكتٸسٸ بويىنشا سوتقا دەيٸنگٸ تەرگەۋ جٷرگٸزۋگە باستاماشى بولدى.
«تەرگەۋ دەرەكتەرٸ بويىنشا, كومپانييا قازاقستان رەسپۋبليكاسىنىڭ قولدانىستاعى زاڭناما نورمالارىن بۇزا وتىرىپ, بەلگٸلٸ بٸر تابىس تابۋ ٷشٸن ينتەرنەت-رەسۋرس ارقىلى ليتسەنزييالانباعان ەرەكەتتٸ جٷزەگە اسىرعان. تيٸسٸنشە, وسى سالاعا سالىق سالىنباعان. اقشالاي قاراجاتتى قازاقستان شەگٸنەن تىس زاڭسىز شىعارۋ ارنالارى انىقتالىپ, وقشاۋلاندى. قارجى قىلمىسىنا جاتاتىن ٶزگە دە ەرەكەتتەر تٸركەلۋدە» دەلٸنگەن حابارلامادا.
2019 جىلعى 29 قاراشادا الماتى قالالىق مامانداندىرىلعان اۋدانارالىق ەكٸمشٸلٸك سوتى «وليمپ» بك ساۋدا بەلگٸسٸمەن «Only bet» جشس جەنە «Alpha bet» جشس بەرٸلگەن ليتسەنزييا قولدانىسىن 6 اي مەرزٸمگە توقتاتتى.
قازٸرگٸ ۋاقىتتا «وليمپ» بك زاڭسىز ەرەكەتٸنٸڭ, سونداي-اق سالىق زاڭناماسىن بۇزۋدىڭ ناقتى اۋقىمىن انىقتاۋ بويىنشا تەرگەۋ ٸس-شارالارى جٷرٸپ جاتىر.
