Foto: uiymdastyrýshylardan
Almaty – mýzei qyzmetkerlerin álemniń jetekshi mádeni ortalyqtaryna oqýǵa jiberip, taǵylymdamadan ótýge jáne shetelde kórmeler uiymdastyrýǵa múmkindik jasaityn Qazaqstandaǵy jalǵyz qala.
Almaty ákimdiginiń qoldaýymen murajai salasynyń qyzmetkerleri Frantsiiada (Parij, Lývr), Ońtústik Koreiada (Seýl), Singapýrda, Túrkiiada (Stambýl), Italiiada (Neapol), Aýstriiada (Vena), Ázirbaijanda (Baký), Chehiiada (Praga) jáne basqa elderde ózderiniń kásibi daǵdylaryn jetildirdi. Bul almatylyq mýzeitanýshylarǵa álemdik ozyq tájiribelerdi qabyldaýǵa jáne olardy mádeni murany saqtaý men dáripteý úshin qoldanýǵa múmkindik beredi.
Almaty ákimdigi murajai qyzmetkerleriniń eńbek jaǵdailaryn jaqsartýǵa da kóp kóńil bóledi. 2023 jyly qala ákiminiń bastamasymen murajai qyzmetkerleriniń ai saiynǵy eńbekaqysy jergilikti biýdjet esebinen 30%-ǵa ulǵaityldy. Budan basqa, qyzmetkerlerdiń jalaqysy jyl saiyn respýblikalyq biýdjet esebinen 18%-ǵa artýda. Sondai-aq, saladaǵy 30 jas qyzmetker «Almaty jastary» qalalyq baǵdarlamasy aiasynda úi alyp, qonys toiyn atap ótti.
Sońǵy eki jylda Almaty murajailary birlestigi Ońtústik Koreia, Túrkiia, Italiia, Aýstriia, Chehiia, Vengriia jáne Serbiiada 9 halyqaralyq kórme uiymdastyrdy. Bul jobalar qazaqstandyq mádeni murany shetelde tanymal etýge yqpal etedi jáne álemdik mádeni qoǵamdastyqpen bailanysty nyǵaitady.
Jergilikti deńgeide murajailardyń qyzmeti de belsendi damyp keledi: 2024 jyly 83 kórme jáne ártúrli formattaǵy 257 is-shara, sonyń ishinde seminarlar, sheberlik synyptary jáne mádeniet qairatkerlerimen kezdesýler ótti.
Almaty murajailary birlestigi kollektsiialardy saqtaý jáne tolyqtyrý boiynsha belsendi jumysyn jalǵastyrýda. Qazirgi ýaqytta qorda 66 220 eksponat bar, onyń 94%-y tsifrlandyrylǵan. 2024 jyly kollektsiiaǵa taǵy 427 erekshe eksponat qosyldy. Tsifrlandyrý artefaktilerdi uzaq merzimdi saqtaýǵa jáne olardyń zertteýshiler men kelýshilerge qoljetimdiligin arttyrýǵa yqpal etedi.
Jalpy qyzmetkerlerdiń biliktiligin únemi arttyrý, olardy qarjylai qoldaý jáne qolaily eńbek jaǵdailaryn jasaý murajai isin nyǵaitýǵa jáne qalanyń mádeni salasyn damytýǵa yqpal etedi.
