Almatyda maining fermasyn zańsyz ornatqan memlekettik kásiporynnyń direktoryna qatysty qylmystyq is tergelýde, dep habarlaidy QazAqparat.
Almaty qalasy boiynsha sybailas jemqorlyqqa qarsy is-qimyl qyzmetiniń málimetinshe, Aýyl sharýashylyǵy ministrliginiń «Aýyl sharýashylyǵy aerofotogeodeziialyq izdenister memlekettik institýty» ShJQ RMK direktory M-ge qatysty qylmystyq isti tergelýde. Ol atalǵan kásiporynda maining fermasyn zańsyz ornatqany anyqtaldy.
«Tergeý barysynda direktor paida tabý maqsatynda memlekettik mekemeniń ákimshilik ǵimaratynyń aýmaǵynda zańsyz kóleńkeli biznesti uiymdastyrǵan. Ol úi-jailarda kriptovaliýtany óndirýge arnalǵan tsifrlyq mainingtik fermany ornatqan. Bul rette mainingtik operatsiialar úshin elektr energiiasyn tutyný memlekettiń biýdjet qarajaty esebinen júzege asyryldy. Qazirgi ýaqytta sotqa deiingi tergeý jalǵasýda», - delinedi vedomstvonyń habarlamasynda.
