الماتىدا ماينينگ فەرماسىن زاڭسىز ورناتقان مەملەكەتتٸك كەسٸپورىننىڭ ديرەكتورىنا قاتىستى قىلمىستىق ٸس تەرگەلۋدە, دەپ حابارلايدى قازاقپارات.
الماتى قالاسى بويىنشا سىبايلاس جەمقورلىققا قارسى ٸس-قيمىل قىزمەتٸنٸڭ مەلٸمەتٸنشە, اۋىل شارۋاشىلىعى مينيسترلٸگٸنٸڭ «اۋىل شارۋاشىلىعى اەروفوتوگەودەزييالىق ٸزدەنٸستەر مەملەكەتتٸك ينستيتۋتى» شجق رمك ديرەكتورى م-گە قاتىستى قىلمىستىق ٸستٸ تەرگەلۋدە. ول اتالعان كەسٸپورىندا ماينينگ فەرماسىن زاڭسىز ورناتقانى انىقتالدى.
«تەرگەۋ بارىسىندا ديرەكتور پايدا تابۋ ماقساتىندا مەملەكەتتٸك مەكەمەنٸڭ ەكٸمشٸلٸك عيماراتىنىڭ اۋماعىندا زاڭسىز كٶلەڭكەلٸ بيزنەستٸ ۇيىمداستىرعان. ول ٷي-جايلاردا كريپتوۆاليۋتانى ٶندٸرۋگە ارنالعان تسيفرلىق ماينينگتٸك فەرمانى ورناتقان. بۇل رەتتە ماينينگتٸك وپەراتسييالار ٷشٸن ەلەكتر ەنەرگيياسىن تۇتىنۋ مەملەكەتتٸڭ بيۋدجەت قاراجاتى ەسەبٸنەن جٷزەگە اسىرىلدى. قازٸرگٸ ۋاقىتتا سوتقا دەيٸنگٸ تەرگەۋ جالعاسۋدا», - دەلٸنەدٸ ۆەدومستۆونىڭ حابارلاماسىندا.
