«Ashyq» jobasy arqyly 28 sáýir men 15 tamyz aralyǵynda Almatyda «qyzyl» mártebesi bar 387 turǵynǵa aiyppul salyndy.
Olardyń barlyǵy koronavirýs juqtyrǵan jáne oqshaýlaý rejimin buzǵan.
Bul týraly onlain brifing barysynda Almaty qalasynyń bas sanitarlyq dárigeri Jandarbek Bekshin aitty, dep habarlaidy QazAqparat.
Bas sanitarlyq dárigerdiń aitýynsha, Almatyda «Ashyq» jobasynyń 6486 qatysýshysy bar. Taǵy 5 541 nysan erikti túrde qatysyp jatyr. «Ashyq» kóshbasshylary - 105 nysan.
Jaýapkershiligi tómen 362 qatysýshy jobadan shyǵaryldy.
«9-13 tamyz aralyǵynda monitoring toptary júrgizgen tekserýler kezinde «Ashyq» jobasynda jumys isteitin 23 sýbektiniń shekteý talaptaryn buzǵany anyqtaldy, bul baqylaýdyń jetkiliksiz ekenin kórsetedi», - dedi Jandarbek Bekshin.
Almatyda 29 shilde men 5 tamyz aralyǵynda «Ashyq» jobasy boiynsha jumys isteitin kásipkerlik nysandardyń kireberisindegi skanerleý kezinde 1239 turǵyn «qyzyl», 194 almatylyqtan «sary» mártebe anyqtaldy.
9-15 tamyz aralyǵynda qalada «qyzyl» mártebesi bar 144 tulǵaǵa aiyppul salyndy.
Sonymen qatar, 28 sáýir men 15 tamyz aralyǵynda Almaty qalasynda «qyzyl» mártebesi bar 387 jeke tulǵaǵa oqshaýlaý rejimin buzǵany úshin 30 AEK mólsherinde aiyppul salyndy.
