«Ashyq» جوباسى ارقىلى 28 سەۋٸر مەن 15 تامىز ارالىعىندا الماتىدا «قىزىل» مەرتەبەسٸ بار 387 تۇرعىنعا ايىپپۇل سالىندى.
ولاردىڭ بارلىعى كوروناۆيرۋس جۇقتىرعان جەنە وقشاۋلاۋ رەجيمٸن بۇزعان.
بۇل تۋرالى ونلاين بريفينگ بارىسىندا الماتى قالاسىنىڭ باس سانيتارلىق دەرٸگەرٸ جانداربەك بەكشين ايتتى, دەپ حابارلايدى قازاقپارات.
باس سانيتارلىق دەرٸگەردٸڭ ايتۋىنشا, الماتىدا «Ashyq» جوباسىنىڭ 6486 قاتىسۋشىسى بار. تاعى 5 541 نىسان ەرٸكتٸ تٷردە قاتىسىپ جاتىر. «اshyq» كٶشباسشىلارى - 105 نىسان.
جاۋاپكەرشٸلٸگٸ تٶمەن 362 قاتىسۋشى جوبادان شىعارىلدى.
«9-13 تامىز ارالىعىندا مونيتورينگ توپتارى جٷرگٸزگەن تەكسەرۋلەر كەزٸندە «Ashyq» جوباسىندا جۇمىس ٸستەيتٸن 23 سۋبەكتٸنٸڭ شەكتەۋ تالاپتارىن بۇزعانى انىقتالدى, بۇل باقىلاۋدىڭ جەتكٸلٸكسٸز ەكەنٸن كٶرسەتەدٸ», - دەدٸ جانداربەك بەكشين.
الماتىدا 29 شٸلدە مەن 5 تامىز ارالىعىندا «Ashyq» جوباسى بويىنشا جۇمىس ٸستەيتٸن كەسٸپكەرلٸك نىسانداردىڭ كٸرەبەرٸسٸندەگٸ سكانەرلەۋ كەزٸندە 1239 تۇرعىن «قىزىل», 194 الماتىلىقتان «سارى» مەرتەبە انىقتالدى.
9-15 تامىز ارالىعىندا قالادا «قىزىل» مەرتەبەسٸ بار 144 تۇلعاعا ايىپپۇل سالىندى.
سونىمەن قاتار, 28 سەۋٸر مەن 15 تامىز ارالىعىندا الماتى قالاسىندا «قىزىل» مەرتەبەسٸ بار 387 جەكە تۇلعاعا وقشاۋلاۋ رەجيمٸن بۇزعانى ٷشٸن 30 اەك مٶلشەرٸندە ايىپپۇل سالىندى.
