Almatyda krematoriidiń qurylysy aiaqtaldy. Bul týraly qalalyq ákimdiktiń baspasóz qyzmetinen málim etti, dep habarlaidy QazAqparat.
«Krematoriidiń qurylys jumystary 2021 jyldyń jeltoqsanynda aiaqtaldy. Búgingi tańda syrtqy injenerlik jelilerdi, onyń ishinde ornatylǵan peshterdi paidalaný úshin gazben jabdyqtaý jelisin tartý jumystary júrgizilýde. Krematoriidi 2022 jyldyń mamyrynda qosý josparda», - dep jaýap berdi qala ákimdiginen QazAqparat joldaǵan saýalǵa.
Kelisimshartqa sáikes, krematorii Almaty qalasy, Alataý aýdany Aqyn Sara kóshesiniń soltústik bóliginde, JEO-2 shyǵysyna qarai ornalasqan patologoanatomiialyq biýro janynan (syrtqy injenerlik jelilersiz) salyndy.
Qazirgi ýaqytta Qazaqstanda krematoriidiń jumys isteý qaǵidalary, sondai-aq máitti krematsiiaǵa qabyldaý erejeleri ázirlenýde.
Aita keteiik, 2020 jyldyń jazynda krematorii qurylysynyń jobalyq-smetalyq qujattaryn jasaýǵa tender jariialanǵan bolatyn.
Tapsyrys berýshi – Almaty qalasy Jaily qalalyq orta basqarmasy.
Qurylys quny – 1,3 mlrd teńge.
