الماتىدا كرەماتورييدٸڭ قۇرىلىسى اياقتالدى. بۇل تۋرالى قالالىق ەكٸمدٸكتٸڭ باسپاسٶز قىزمەتٸنەن مەلٸم ەتتٸ, دەپ حابارلايدى قازاقپارات.
«كرەماتورييدٸڭ قۇرىلىس جۇمىستارى 2021 جىلدىڭ جەلتوقسانىندا اياقتالدى. بٷگٸنگٸ تاڭدا سىرتقى ينجەنەرلٸك جەلٸلەردٸ, ونىڭ ٸشٸندە ورناتىلعان پەشتەردٸ پايدالانۋ ٷشٸن گازبەن جابدىقتاۋ جەلٸسٸن تارتۋ جۇمىستارى جٷرگٸزٸلۋدە. كرەماتورييدٸ 2022 جىلدىڭ مامىرىندا قوسۋ جوسپاردا», - دەپ جاۋاپ بەردٸ قالا ەكٸمدٸگٸنەن قازاقپارات جولداعان ساۋالعا.
كەلٸسٸمشارتقا سەيكەس, كرەماتوريي الماتى قالاسى, الاتاۋ اۋدانى اقىن سارا كٶشەسٸنٸڭ سولتٷستٸك بٶلٸگٸندە, جەو-2 شىعىسىنا قاراي ورنالاسقان پاتولوگواناتومييالىق بيۋرو جانىنان (سىرتقى ينجەنەرلٸك جەلٸلەرسٸز) سالىندى.
قازٸرگٸ ۋاقىتتا قازاقستاندا كرەماتورييدٸڭ جۇمىس ٸستەۋ قاعيدالارى, سونداي-اق مەيتتٸ كرەماتسيياعا قابىلداۋ ەرەجەلەرٸ ەزٸرلەنۋدە.
ايتا كەتەيٸك, 2020 جىلدىڭ جازىندا كرەماتوريي قۇرىلىسىنىڭ جوبالىق-سمەتالىق قۇجاتتارىن جاساۋعا تەندەر جارييالانعان بولاتىن.
تاپسىرىس بەرۋشٸ – الماتى قالاسى جايلى قالالىق ورتا باسقارماسى.
قۇرىلىس قۇنى – 1,3 ملرد تەڭگە.
