Almatyda krematorii ashyldy

Foto: Zakon.kz

Almatyda Qazaqstandaǵy alǵashqy krematorii jumysyn bastady. Nysan qalalyq patologoanatomiialyq biýronyń qaraýyna berilip, qala infraqurylymynyń quramdas bóligine ainaldy, dep habarlaidy Ult.kz.

Krematsiia dástúrli jerleýge balama retinde erikti túrde usynylady. Bul turǵyndarǵa jeke ári mádeni erekshelikterin eskere otyryp tańdaý jasaýǵa múmkindik beredi.

Krematorii zamanaýi qural-jabdyqtarmen qamtylǵan. Onda kópsatyly tazartý júiesimen jabdyqtalǵan eki pesh ornatylǵan. Qoldanylatyn tehnologiia tútin gazdaryn tolyq janyp ketýin qamtamasyz etip, iis pen kózge kórinetin tútinniń paida bolýyna jol bermeidi, sondai-aq ekologiialyq talaptarǵa tolyq sáikes keledi.

Bir rásim shamamen eki saǵatqa sozylady, al tolyq júkteme kezinde táýligine 8 krematsiiaǵa deiin ótkizýge múmkindik bar. Qujat qabyldaý men sáikestendirýden bastap kúldi týystaryna tapsyrýǵa deiingi úderistiń barlyq kezeńi qatań baqylaýda.

Qoshtasý rásimderin ótkizýge arnalǵan zaldar qarastyrylǵan. Qyzmetkerler shetelde arnaiy daiyndyqtan ótken jáne sanitarlyq ári etikalyq talaptardy saqtai otyryp jumys isteidi.