الماتىدا كرەماتوريي اشىلدى

فوتو: Zakon.kz

الماتىدا قازاقستانداعى العاشقى كرەماتوريي جۇمىسىن باستادى. نىسان قالالىق پاتولوگواناتومييالىق بيۋرونىڭ قاراۋىنا بەرٸلٸپ, قالا ينفراقۇرىلىمىنىڭ قۇرامداس بٶلٸگٸنە اينالدى, دەپ حابارلايدى Ult.kz.

كرەماتسييا دەستٷرلٸ جەرلەۋگە بالاما رەتٸندە ەرٸكتٸ تٷردە ۇسىنىلادى. بۇل تۇرعىندارعا جەكە ەرٸ مەدەني ەرەكشەلٸكتەرٸن ەسكەرە وتىرىپ تاڭداۋ جاساۋعا مٷمكٸندٸك بەرەدٸ.

كرەماتوريي زاماناۋي قۇرال-جابدىقتارمەن قامتىلعان. وندا كٶپساتىلى تازارتۋ جٷيەسٸمەن جابدىقتالعان ەكٸ پەش ورناتىلعان. قولدانىلاتىن تەحنولوگييا تٷتٸن گازدارىن تولىق جانىپ كەتۋٸن قامتاماسىز ەتٸپ, يٸس پەن كٶزگە كٶرٸنەتٸن تٷتٸننٸڭ پايدا بولۋىنا جول بەرمەيدٸ, سونداي-اق ەكولوگييالىق تالاپتارعا تولىق سەيكەس كەلەدٸ.

بٸر رەسٸم شامامەن ەكٸ ساعاتقا سوزىلادى, ال تولىق جٷكتەمە كەزٸندە تەۋلٸگٸنە 8 كرەماتسيياعا دەيٸن ٶتكٸزۋگە مٷمكٸندٸك بار. قۇجات قابىلداۋ مەن سەيكەستەندٸرۋدەن باستاپ كٷلدٸ تۋىستارىنا تاپسىرۋعا دەيٸنگٸ ٷدەرٸستٸڭ بارلىق كەزەڭٸ قاتاڭ باقىلاۋدا.

قوشتاسۋ رەسٸمدەرٸن ٶتكٸزۋگە ارنالعان زالدار قاراستىرىلعان. قىزمەتكەرلەر شەتەلدە ارنايى دايىندىقتان ٶتكەن جەنە سانيتارلىق ەرٸ ەتيكالىق تالاپتاردى ساقتاي وتىرىپ جۇمىس ٸستەيدٸ.