Qazir Almaty epidemiologiialyq jaǵdai boiynsha «jasyl» aimaqta, onyń «sary» aimaqqa ótpeýi úshin sanitariialyq sharalardyń barlyǵy kúsheitilgen, - dep habarlaidy «Ult aqparat».
Bul týraly Almaty qalasy Sanitariialyq-epidemiologiialyq baqylaý departamenti basshysynyń orynbasary Ásel Qalyqova onlain brifing barysynda aitty.
Qalada qoǵamdyq oryndarda virýsty juqtyrý 5 paiyzǵa artqan. Negizinen aýa raiynyń jylýyna bailanysty adamdardyń kópshilik jerge jii shyǵýynan bolyp otyr. Sondai-aq otbasynda virýs juqtyrý 2%-ǵa artqan, iaǵni toi, qudalyq siiaqty otbasylyq jiyndar áser etken. Bir aptada osyndai jiynda virýs juqtyrǵan 16 jaǵdai tirkeldi. Bul halyqtyń bosańsyp, qaýipsizdik sharasyn eskermegenin kórsetedi, - dedi ol.
Sondai-aq ol qoǵamdyq kólikte virýs juqtyrý deńgeii burynǵydai 20-22 paiyz kóleminde qalyp otyrǵanyn aitty.
Koronavirýspen negizinen 20-40 jas aralyǵyndaǵy azamattar syrqattanyp jatyr eken. Odan keiingi orynda 40-50 jas aralyǵyndaǵy azamattar. 14 jasqa deiingi balalar – 11% quraidy. 15-19 jas aralyǵyndaǵy jasóspirimder - 4% qurap otyr.
Sonymen qatar ol qalada tumaýmen aýyrǵandar tirkelmegenin aitty.
Ótken jyly osyndai kezde 230-dan astam adam tumaýmen tirkelgen bolatyn. Qazir tumaýmen aýyrǵandar tirkelgen joq, - dedi Qalyqova.
