قازٸر الماتى ەپيدەميولوگييالىق جاعداي بويىنشا «جاسىل» ايماقتا, ونىڭ «سارى» ايماققا ٶتپەۋٸ ٷشٸن سانيتارييالىق شارالاردىڭ بارلىعى كٷشەيتٸلگەن, - دەپ حابارلايدى «ۇلت اقپارات».
بۇل تۋرالى الماتى قالاسى سانيتارييالىق-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى ەسەل قالىقوۆا ونلاين بريفينگ بارىسىندا ايتتى.
قالادا قوعامدىق ورىنداردا ۆيرۋستى جۇقتىرۋ 5 پايىزعا ارتقان. نەگٸزٸنەن اۋا رايىنىڭ جىلۋىنا بايلانىستى ادامداردىڭ كٶپشٸلٸك جەرگە جيٸ شىعۋىنان بولىپ وتىر. سونداي-اق وتباسىندا ۆيرۋس جۇقتىرۋ 2%-عا ارتقان, ياعني توي, قۇدالىق سيياقتى وتباسىلىق جيىندار ەسەر ەتكەن. بٸر اپتادا وسىنداي جيىندا ۆيرۋس جۇقتىرعان 16 جاعداي تٸركەلدٸ. بۇل حالىقتىڭ بوساڭسىپ, قاۋٸپسٸزدٸك شاراسىن ەسكەرمەگەنٸن كٶرسەتەدٸ, - دەدٸ ول.
سونداي-اق ول قوعامدىق كٶلٸكتە ۆيرۋس جۇقتىرۋ دەڭگەيٸ بۇرىنعىداي 20-22 پايىز كٶلەمٸندە قالىپ وتىرعانىن ايتتى.
كوروناۆيرۋسپەن نەگٸزٸنەن 20-40 جاس ارالىعىنداعى ازاماتتار سىرقاتتانىپ جاتىر ەكەن. ودان كەيٸنگٸ ورىندا 40-50 جاس ارالىعىنداعى ازاماتتار. 14 جاسقا دەيٸنگٸ بالالار – 11% قۇرايدى. 15-19 جاس ارالىعىنداعى جاسٶسپٸرٸمدەر - 4% قۇراپ وتىر.
سونىمەن قاتار ول قالادا تۇماۋمەن اۋىرعاندار تٸركەلمەگەنٸن ايتتى.
ٶتكەن جىلى وسىنداي كەزدە 230-دان استام ادام تۇماۋمەن تٸركەلگەن بولاتىن. قازٸر تۇماۋمەن اۋىرعاندار تٸركەلگەن جوق, - دەدٸ قالىقوۆا.
