Infektsionist dáriger almatylyqtarǵa úndeý jasady, dep habarlaidy QazAqparat.
Almaty koronavirýs infektsiia boiynsha «sary aimaqta» qalyp otyr. Búgingi tańda Almatyda koronavirýs infektsiianyń 18 939 jaǵdaiy tirkelgen, olardyń ishinde 17 309-y saýyǵyp, 389-y qaitys boldy. Sońǵy táýlikte KVI-dan 265 adam saýyǵyp shyqty.
Almaty qalasy Qoǵamdyq densaýlyq saqtaý basqarmasynyń málimetinshe, 5 qańtardaǵy jaǵdai boiynsha 665 adam statsionarlyq em qabyldap jatyr, onyń ishinde 30 bala bar. 548 naýqastyń jaǵdaiy ortasha aýyr, 100 adam aýyr jáne 17 adam óte aýyr jaǵdaida. Jansaqtaý bóliminde 60 naýqas bar, 9 adam – ÓJJ apparatynda. Búginde tósek qorynyń 67,6%-y bos.
Sońǵy 10 kúnde qalada koronavirýstyń jańa simptomsyz jaǵdailaryn tirkeýdiń ósý dinamikasy jańa jaǵdailardyń kúndelikti tirkelýin kórsetedi. Ótken táýlikte 34 adam baqylaýǵa alyndy. Ósim 0,3% qurady.
Almaty qalasy Qoǵamdyq densaýlyq saqtaý basqarmasynyń shtattan tys bas infektsionisti, «I.Jekenova atyndaǵy qalalyq klinikalyq juqpaly aýrýlar aýrýhanasy» ShJQ MKK dáriger-sarapshysy Tamara Ýtaganova megapolistegi syrqattanýshylyq jaǵdaiyna túsinik berdi.
«Uzaq demalystan keiin, ádette, JRVI jáne tumaý aýrýynyń statistikasy artady. Virýstyq infektsiianyń inkýbatsiialyq kezeńi - 2 apta. Táýelsizdik merekesinen keiin, jańa jylǵa deiin 14 kún ótti. Sonymen qatar, KVI-men aýyrǵandar sanynyń ósýi maýsymdyq jaǵdailarmen de bailanysty, qazir JRVI men tumaýmen syrqattanýshylyqtyń eń joǵary kórsetkishterge jetken kezi, sýyq tiip, tumaýǵa shaldyǵýshylardyń kóbeiýi aýa raiyna bailanysty, qazir Almatyda qatty aiaz tur», - dep atap ótti ol.
Tamara Ýtaganova emdeý algoritmin saqtaýdyń jáne ózin-ózi emdeýmen ainalyspaýdyń mańyzdylyǵyn erekshe atap ótti jáne negizgi usynystarmen bólisti.
«Aýrý belgileri paida bolǵan kezde – dene qyzýynyń kóterilýi, murynnyń bitelýi, tamaqtyń aýyrýy, úi karantinin saqtap, turǵylyqty jeri boiynsha emhanaǵa meditsinalyq kómekke júginý qajet. Dene qyzýy joǵarylap, qatty bas aýrýy mazalap, júrek ainý jáne qusý, entigý paida bolǵan kezde jedel járdem shaqyrý kerek. Eshbir jaǵdaida óz-ózin emdeýmen ainalysýǵa bolmaidy», - dedi T.Ýtaganova.
Búgingi tańda koronavirýsty juqtyrý qaýpi bar. Osyǵan bailanysty Almaty ákimdigi qala turǵyndary men qonaqtaryn barlyq saqtyq sharalaryn saqtaýǵa shaqyrady. Áleýmettik qashyqtyqty saqtaýǵa bei-jai qaramai, betperde kiiý jáne múmkindiginshe adamdar kóp jinalatyn jerlerge barýdan aýlaq bolýy kerek, bul ásirese 65 jastan asqan adamdarǵa qatysty.
