ينفەكتسيونيست دەرٸگەر الماتىلىقتارعا ٷندەۋ جاسادى, دەپ حابارلايدى قازاقپارات.
الماتى كوروناۆيرۋس ينفەكتسييا بويىنشا «سارى ايماقتا» قالىپ وتىر. بٷگٸنگٸ تاڭدا الماتىدا كوروناۆيرۋس ينفەكتسييانىڭ 18 939 جاعدايى تٸركەلگەن, ولاردىڭ ٸشٸندە 17 309-ى ساۋىعىپ, 389-ى قايتىس بولدى. سوڭعى تەۋلٸكتە كۆي-دان 265 ادام ساۋىعىپ شىقتى.
الماتى قالاسى قوعامدىق دەنساۋلىق ساقتاۋ باسقارماسىنىڭ مەلٸمەتٸنشە, 5 قاڭتارداعى جاعداي بويىنشا 665 ادام ستاتسيونارلىق ەم قابىلداپ جاتىر, ونىڭ ٸشٸندە 30 بالا بار. 548 ناۋقاستىڭ جاعدايى ورتاشا اۋىر, 100 ادام اۋىر جەنە 17 ادام ٶتە اۋىر جاعدايدا. جانساقتاۋ بٶلٸمٸندە 60 ناۋقاس بار, 9 ادام – ٶجج اپپاراتىندا. بٷگٸندە تٶسەك قورىنىڭ 67,6%-ى بوس.
سوڭعى 10 كٷندە قالادا كوروناۆيرۋستىڭ جاڭا سيمپتومسىز جاعدايلارىن تٸركەۋدٸڭ ٶسۋ ديناميكاسى جاڭا جاعدايلاردىڭ كٷندەلٸكتٸ تٸركەلۋٸن كٶرسەتەدٸ. ٶتكەن تەۋلٸكتە 34 ادام باقىلاۋعا الىندى. ٶسٸم 0,3% قۇرادى.
الماتى قالاسى قوعامدىق دەنساۋلىق ساقتاۋ باسقارماسىنىڭ شتاتتان تىس باس ينفەكتسيونيستٸ, «ي.جەكەنوۆا اتىنداعى قالالىق كلينيكالىق جۇقپالى اۋرۋلار اۋرۋحاناسى» شجق مكك دەرٸگەر-ساراپشىسى تامارا ۋتاگانوۆا مەگاپوليستەگٸ سىرقاتتانۋشىلىق جاعدايىنا تٷسٸنٸك بەردٸ.
«ۇزاق دەمالىستان كەيٸن, ەدەتتە, جرۆي جەنە تۇماۋ اۋرۋىنىڭ ستاتيستيكاسى ارتادى. ۆيرۋستىق ينفەكتسييانىڭ ينكۋباتسييالىق كەزەڭٸ - 2 اپتا. تەۋەلسٸزدٸك مەرەكەسٸنەن كەيٸن, جاڭا جىلعا دەيٸن 14 كٷن ٶتتٸ. سونىمەن قاتار, كۆي-مەن اۋىرعاندار سانىنىڭ ٶسۋٸ ماۋسىمدىق جاعدايلارمەن دە بايلانىستى, قازٸر جرۆي مەن تۇماۋمەن سىرقاتتانۋشىلىقتىڭ ەڭ جوعارى كٶرسەتكٸشتەرگە جەتكەن كەزٸ, سۋىق تيٸپ, تۇماۋعا شالدىعۋشىلاردىڭ كٶبەيۋٸ اۋا رايىنا بايلانىستى, قازٸر الماتىدا قاتتى اياز تۇر», - دەپ اتاپ ٶتتٸ ول.
تامارا ۋتاگانوۆا ەمدەۋ الگوريتمٸن ساقتاۋدىڭ جەنە ٶزٸن-ٶزٸ ەمدەۋمەن اينالىسپاۋدىڭ ماڭىزدىلىعىن ەرەكشە اتاپ ٶتتٸ جەنە نەگٸزگٸ ۇسىنىستارمەن بٶلٸستٸ.
«اۋرۋ بەلگٸلەرٸ پايدا بولعان كەزدە – دەنە قىزۋىنىڭ كٶتەرٸلۋٸ, مۇرىننىڭ بٸتەلۋٸ, تاماقتىڭ اۋىرۋى, ٷي كارانتينٸن ساقتاپ, تۇرعىلىقتى جەرٸ بويىنشا ەمحاناعا مەديتسينالىق كٶمەككە جٷگٸنۋ قاجەت. دەنە قىزۋى جوعارىلاپ, قاتتى باس اۋرۋى مازالاپ, جٷرەك اينۋ جەنە قۇسۋ, ەنتٸگۋ پايدا بولعان كەزدە جەدەل جەردەم شاقىرۋ كەرەك. ەشبٸر جاعدايدا ٶز-ٶزٸن ەمدەۋمەن اينالىسۋعا بولمايدى», - دەدٸ ت.ۋتاگانوۆا.
بٷگٸنگٸ تاڭدا كوروناۆيرۋستى جۇقتىرۋ قاۋپٸ بار. وسىعان بايلانىستى الماتى ەكٸمدٸگٸ قالا تۇرعىندارى مەن قوناقتارىن بارلىق ساقتىق شارالارىن ساقتاۋعا شاقىرادى. ەلەۋمەتتٸك قاشىقتىقتى ساقتاۋعا بەي-جاي قاراماي, بەتپەردە كييۋ جەنە مٷمكٸندٸگٸنشە ادامدار كٶپ جينالاتىن جەرلەرگە بارۋدان اۋلاق بولۋى كەرەك, بۇل ەسٸرەسە 65 جاستان اسقان ادامدارعا قاتىستى.
