"Azamattarǵa arnalǵan úkimet" memlekettik korporatsiiasynyń ókilderi Almatydaǵy Alataý aýdandyq Halyqqa qyzmet kórsetý ortalyǵynda kezekte turyp qaitys bolǵan 50 jastaǵy er adamnyń oqiǵasyna qatysty túsinik berdi, - dep habarlaidy "Ult aqparat" kaz.tengrinews.kz portalyna silteme jasap.
"Búgin, 2017 jyldyń 16 qańtarynda Almaty qalasy Alataý aýdandyq HQKO-da 1964 jylǵy azamat Quntaqov Jaras Nurqybaiulynyń qaitys bolǵanyn ókinishpen habarlaimyz. Jaras Nurqybaiuly HQKO-ǵa 9.30-da "Azamattardy turǵylyqty jeri boiynsha tirkeý" qyzmetin alý úshin áielimen birge keldi, bul ýaqytta HQKO-da adamdar kóp bolmaǵan. Ol biryńǵai elektrondy kezekke talon alyp úlgermegen áieli blank toltyryp jatqan, 09.42-de azamat álsirep, oǵan HQKO-da kezekshilikte otyrǵan meditsinalyq jumysshy jedel meditsinalyq kómek kórsetti. 9.52-de jedel járdem kelip jetti, alaida Jaras Nurqybaiuylyn qutqarý múmkin bolmady. "Azamattarǵa arnalǵan úkimet" memlekettik korporatsiiasy Jaras Nurqybaiulynyń jaqyndary men týystaryna kóńil aitady", - delingen resmi málimdemede.
Sonymen qatar, "Azamattarǵa arnalǵan úkimet" memlekettik korporatsiiasy sozylmaly aýrýmen aýyratyn azamattarǵa halyqqa qyzmet kórsetý ortalyqtaryna qarbalas kezde kelmeýdi keńes etip otyr. "Múgedekterge, júkti áielderge HQKO-larda jeńildik-terezeleri jumys isteitinin eske salamyz, 1-shi jáne 2-shi toptaǵy múgedekter HQKO qyzmetkerin 1414 nómiri boiynsha úiine shaqyrta alady", - dedi HQKO ókilderi.
Eske salaiyq, oqiǵa búgin, tańǵy 10.00 shamasynda bolǵan. Kýágerlerdiń biriniń aitýynsha, 50 jastaǵy er adam ýaqytsha tirkeý boiynsha kezekte turǵan. Bir sátte ol qulap túsken. Aldyn ala málimet boiynsha, onyń júregi syr bergen.
Eske salaiyq, osyǵan deiin de mundai jaǵdai Almaty oblysynda HQKO-synda bolǵan. Boraldai aýylynan tańǵy ýaqytta HQKO-ǵa kelgen 59 jastaǵy er adam III toptaǵy múgedek mekemeden shyǵyp, kóligine otyrǵan kezde júregi toqtap qalǵan.
