"ازاماتتارعا ارنالعان ٷكٸمەت" مەملەكەتتٸك كورپوراتسيياسىنىڭ ٶكٸلدەرٸ الماتىداعى الاتاۋ اۋداندىق حالىققا قىزمەت كٶرسەتۋ ورتالىعىندا كەزەكتە تۇرىپ قايتىس بولعان 50 جاستاعى ەر ادامنىڭ وقيعاسىنا قاتىستى تٷسٸنٸك بەردٸ, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ.
"بٷگٸن, 2017 جىلدىڭ 16 قاڭتارىندا الماتى قالاسى الاتاۋ اۋداندىق حقكو-دا 1964 جىلعى ازامات قۇنتاقوۆ جاراس نۇرقىبايۇلىنىڭ قايتىس بولعانىن ٶكٸنٸشپەن حابارلايمىز. جاراس نۇرقىبايۇلى حقكو-عا 9.30-دا "ازاماتتاردى تۇرعىلىقتى جەرٸ بويىنشا تٸركەۋ" قىزمەتٸن الۋ ٷشٸن ەيەلٸمەن بٸرگە كەلدٸ, بۇل ۋاقىتتا حقكو-دا ادامدار كٶپ بولماعان. ول بٸرىڭعاي ەلەكتروندى كەزەككە تالون الىپ ٷلگەرمەگەن ەيەلٸ بلانك تولتىرىپ جاتقان, 09.42-دە ازامات ەلسٸرەپ, وعان حقكو-دا كەزەكشٸلٸكتە وتىرعان مەديتسينالىق جۇمىسشى جەدەل مەديتسينالىق كٶمەك كٶرسەتتٸ. 9.52-دە جەدەل جەردەم كەلٸپ جەتتٸ, الايدا جاراس نۇرقىبايۇىلىن قۇتقارۋ مٷمكٸن بولمادى. "ازاماتتارعا ارنالعان ٷكٸمەت" مەملەكەتتٸك كورپوراتسيياسى جاراس نۇرقىبايۇلىنىڭ جاقىندارى مەن تۋىستارىنا كٶڭٸل ايتادى", - دەلٸنگەن رەسمي مەلٸمدەمەدە.
سونىمەن قاتار, "ازاماتتارعا ارنالعان ٷكٸمەت" مەملەكەتتٸك كورپوراتسيياسى سوزىلمالى اۋرۋمەن اۋىراتىن ازاماتتارعا حالىققا قىزمەت كٶرسەتۋ ورتالىقتارىنا قاربالاس كەزدە كەلمەۋدٸ كەڭەس ەتٸپ وتىر. "مٷگەدەكتەرگە, جٷكتٸ ەيەلدەرگە حقكو-لاردا جەڭٸلدٸك-تەرەزەلەرٸ جۇمىس ٸستەيتٸنٸن ەسكە سالامىز, 1-شٸ جەنە 2-شٸ توپتاعى مٷگەدەكتەر حقكو قىزمەتكەرٸن 1414 نٶمٸرٸ بويىنشا ٷيٸنە شاقىرتا الادى", - دەدٸ حقكو ٶكٸلدەرٸ.
ەسكە سالايىق, وقيعا بٷگٸن, تاڭعى 10.00 شاماسىندا بولعان. كۋەگەرلەردٸڭ بٸرٸنٸڭ ايتۋىنشا, 50 جاستاعى ەر ادام ۋاقىتشا تٸركەۋ بويىنشا كەزەكتە تۇرعان. بٸر سەتتە ول قۇلاپ تٷسكەن. الدىن الا مەلٸمەت بويىنشا, ونىڭ جٷرەگٸ سىر بەرگەن.
ەسكە سالايىق, وسىعان دەيٸن دە مۇنداي جاعداي الماتى وبلىسىندا حقكو-سىندا بولعان. بورالداي اۋىلىنان تاڭعى ۋاقىتتا حقكو-عا كەلگەن 59 جاستاعى ەر ادام III توپتاعى مٷگەدەك مەكەمەدەن شىعىپ, كٶلٸگٸنە وتىرعان كەزدە جٷرەگٸ توقتاپ قالعان.
