جامبىل اۋدانىندا ەكٸ بالاسىنا اليمەنت تٶلەۋدەن جالتارعان 30 جاستاعى ازامات ٷش جىل بويى جينالعان 4,1 ملن تەڭگە بەرەشەگٸن تولىق ٶتەدٸ. بۇعان پروكۋراتۋرا قابىلداعان شارالار سەبەپ بولعان, دەپ حابارلايدى ult.kz.
پروكۋراتۋرانىڭ مەلٸمەتٸنشە, ەر ادامنىڭ اليمەنت تٶلەۋگە قارجىلىق مٷمكٸندٸگٸ بولعان. الايدا ول 2023 جىلدان بەرٸ تابىسىن جاسىرىپ, ەكٸ كەمەلەتكە تولماعان بالاسىنا قاراجات اۋدارۋدان قاساقانا جالتارعان. سونىڭ سالدارىنان ميلليونداعان تەڭگە قارىز جينالعان.
2026 جىلعى قىركٷيەكتە اۋدان پروكۋراتۋراسىنىڭ باستاماسىمەن پوليتسييا قىلمىستىق كودەكستٸڭ 139-بابى بويىنشا سوتقا دەيٸنگٸ تەرگەپ-تەكسەرۋدٸ باستاعان. تەرگەۋ بارىسىندا بورىشكەر اليمەنت بەرەشەگٸنٸڭ بٸر بٶلٸگٸن ٶتەگەن.
كەيٸن تاراپتار مەدياتسييالىق كەلٸسٸمگە كەلدٸ. كەلٸسٸم بويىنشا ازامات الداعى ۋاقىتتا اليمەنتتٸ ۋاقىتىلى ەرٸ تولىق تٶلەۋگە مٸندەتتەندٸ.
19 قازاندا تاراپتاردىڭ تاتۋلاسۋىنا بايلانىستى سوتقا دەيٸنگٸ تەرگەپ-تەكسەرۋ اقتامايتىن نەگٸزدەر بويىنشا توقتاتىلدى.
پروكۋراتۋرانىڭ حابارلاۋىنشا, قابىلدانعان شارالار نەتيجەسٸندە بالالاردىڭ بۇزىلعان قۇقىقتارى قالپىنا كەلتٸرٸلٸپ, سوت شەشٸمٸنٸڭ ورىندالۋى قامتاماسىز ەتٸلدٸ.
