Almatydaǵy Halyk Arena koronavirýs juqtyrǵan naýqastardy qabyldai bastady. Bul týraly qalalyq qoǵamdyq desnaýlyq saqtaý basqarmasy málim etti, dep habarlaidy "Ult aqparat".
Basqarma atap ótkendei, Halyk Arena qaitadan iske qosyldy. Onda ortasha jaǵdaidaǵy naýqastar jetkiziledi.
«Tańerteńgi jaǵdai boiynsha, Halyk Arena sport kesheninde ashylǵan provizorlyq statsionarlyq ortalyqta 18 naýqas jatyr. Mundai sheshim megapolis turǵyndary arasynda KVI infektsiiasynyń taralmaýy úshin qabyldandy. Sport keshenindegi tósek-oryn 1000 adamǵa arnalǵan. Naýqastarǵa meditsinalyq kómek kórsetýge barlyq jaǵdai jasalǵan. Meditsinalyq quraldarmen tolyq jabdyqtalǵan. Talapqa sai», - dep habarlady basqarmadan.
Aita keteiik, Almatyda jańa shtamdar paida boldy. Onyń kontagiozy joǵary. Aldyńǵy bazalyq shtammen salystyrǵanda jańa shtamdardyń juqtyrý kórsetkishi 70 paiyzǵa deiin jetedi. Bul infektsiia joǵary juqpaly ekendigin kórsetedi. Megapoliste sońǵy ýaqytta tirkelgen virýstyń taralý jyldamdyǵyna dál sol sebep bolyp otyr.
Almaty qalasy qazir koronavirýs boiynsha "qyzyl aimaqta" tur. Munda qatarynan eki kúnde 500-den astam naýqas tirkelip jatyr. Eldegi eń iri qala naýqastar sany jóninen respýblikada alda tur.
