الماتىداعى Halyk Arena كوروناۆيرۋس جۇقتىرعان ناۋقاستاردى قابىلداي باستادى. بۇل تۋرالى قالالىق قوعامدىق دەسناۋلىق ساقتاۋ باسقارماسى مەلٸم ەتتٸ, دەپ حابارلايدى "ۇلت اقپارات".
باسقارما اتاپ ٶتكەندەي, Halyk Arena قايتادان ٸسكە قوسىلدى. وندا ورتاشا جاعدايداعى ناۋقاستار جەتكٸزٸلەدٸ.
«تاڭەرتەڭگٸ جاعداي بويىنشا, Halyk Arena سپورت كەشەنٸندە اشىلعان پروۆيزورلىق ستاتسيونارلىق ورتالىقتا 18 ناۋقاس جاتىر. مۇنداي شەشٸم مەگاپوليس تۇرعىندارى اراسىندا كۆي ينفەكتسيياسىنىڭ تارالماۋى ٷشٸن قابىلداندى. سپورت كەشەنٸندەگٸ تٶسەك-ورىن 1000 ادامعا ارنالعان. ناۋقاستارعا مەديتسينالىق كٶمەك كٶرسەتۋگە بارلىق جاعداي جاسالعان. مەديتسينالىق قۇرالدارمەن تولىق جابدىقتالعان. تالاپقا ساي», - دەپ حابارلادى باسقارمادان.
ايتا كەتەيٸك, الماتىدا جاڭا شتامدار پايدا بولدى. ونىڭ كونتاگيوزى جوعارى. الدىڭعى بازالىق شتاممەن سالىستىرعاندا جاڭا شتامداردىڭ جۇقتىرۋ كٶرسەتكٸشٸ 70 پايىزعا دەيٸن جەتەدٸ. بۇل ينفەكتسييا جوعارى جۇقپالى ەكەندٸگٸن كٶرسەتەدٸ. مەگاپوليستە سوڭعى ۋاقىتتا تٸركەلگەن ۆيرۋستىڭ تارالۋ جىلدامدىعىنا دەل سول سەبەپ بولىپ وتىر.
الماتى قالاسى قازٸر كوروناۆيرۋس بويىنشا "قىزىل ايماقتا" تۇر. مۇندا قاتارىنان ەكٸ كٷندە 500-دەن استام ناۋقاس تٸركەلٸپ جاتىر. ەلدەگٸ ەڭ ٸرٸ قالا ناۋقاستار سانى جٶنٸنەن رەسپۋبليكادا الدا تۇر.
