Almaty ákiminiń orynbasary Almas Mádiev janarmai tapshylyǵyna qatysty túsinikteme berdi, dep habarlaidy Ult.kz tilshisi QazAqparat agenttigine silteme jasap.
«Almaty janarmai stansalaryndaǵy janarmai tapshylyǵy máselesin sheshý úshin ákimdik pen Energetika ministrligi birqatar sharalar qabyldady. Búginde ortalyqta «Gelios», «Sinoil», «Qazmunaigaz» jelilik resýrstarynda 15 tonna janarmai kóleminde operatsiialyq qor bar. Bul qor 8-10 kúnge jetedi. Sondai-aq, usaq bólshek jelilerinde 2-3 kúnge jetetin qor bar», - dedi A.Mádiev.
Onyń aitýynsha, Energetika ministri qala basshylyǵyna qajetti janarmai qorymen qamtamasyz etemiz dep ýáde etken.
«Tabiǵi monopoliialardy retteý komitetimen birige otyryp qala ákimdigi janarmai stansalarynda reid júrgizedi. Óitkeni, stansalar janarmaidyń jalǵan tapshylyǵyn týdyryp, qoimaǵa tyǵyp qoimai, qala halqyn qamtamasyz etýi kerek», - dedi ol.
Aita ketý kerek, qazirgi tańda qalada birqatar stansalardyń jelilerinde eń ótimdi AI-92 markaly janarmai tek talonmen berilip jatyr.
