الماتى ەكٸمٸنٸڭ ورىنباسارى الماس مەديەۆ جانارماي تاپشىلىعىنا قاتىستى تٷسٸنٸكتەمە بەردٸ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«الماتى جانارماي ستانسالارىنداعى جانارماي تاپشىلىعى مەسەلەسٸن شەشۋ ٷشٸن ەكٸمدٸك پەن ەنەرگەتيكا مينيسترلٸگٸ بٸرقاتار شارالار قابىلدادى. بٷگٸندە ورتالىقتا «گەليوس», «سينويل», «قازمۇنايگاز» جەلٸلٸك رەسۋرستارىندا 15 توننا جانارماي كٶلەمٸندە وپەراتسييالىق قور بار. بۇل قور 8-10 كٷنگە جەتەدٸ. سونداي-اق, ۇساق بٶلشەك جەلٸلەرٸندە 2-3 كٷنگە جەتەتٸن قور بار», - دەدٸ ا.مەديەۆ.
ونىڭ ايتۋىنشا, ەنەرگەتيكا مينيسترٸ قالا باسشىلىعىنا قاجەتتٸ جانارماي قورىمەن قامتاماسىز ەتەمٸز دەپ ۋەدە ەتكەن.
«تابيعي مونوپولييالاردى رەتتەۋ كوميتەتٸمەن بٸرٸگە وتىرىپ قالا ەكٸمدٸگٸ جانارماي ستانسالارىندا رەيد جٷرگٸزەدٸ. ٶيتكەنٸ, ستانسالار جانارمايدىڭ جالعان تاپشىلىعىن تۋدىرىپ, قويماعا تىعىپ قويماي, قالا حالقىن قامتاماسىز ەتۋٸ كەرەك», - دەدٸ ول.
ايتا كەتۋ كەرەك, قازٸرگٸ تاڭدا قالادا بٸرقاتار ستانسالاردىڭ جەلٸلەرٸندە ەڭ ٶتٸمدٸ اي-92 ماركالى جانارماي تەك تالونمەن بەرٸلٸپ جاتىر.
