Koronavirýs infektsiiasynyń taralý qarqynyna bailanysty Almatyda qatań karantin rejimi 13 sáýirden keiin de saqtala ma? Bul suraqqa qalalyq Taýarlar men qyzmetterdiń sapasy men qaýipsizdigin baqylaý departamentiniń basshysy Aizat Moldaqasymova jaýap berdi, - dep habarlaidy QazAqparat.
Onlain brifing barysynda ol sońǵy ýaqytta qalada koronavirýs infektsiiasyn juqtyrý jaǵdailary siregenin aitty.
«Menińshe, karantindi áli toqtatqan joq. Shekteý sharttary áli de saqtaý kerek. Aýrý juqtyrý kórsetkishiniń azaiýy eń aldymen adamdardyń oqshaýlanýyna bailanysty bolyp otyr», - dedi A.Moldaqasymova.
Almatynyń bas sanitarlyq dárigeri qala turǵyndaryna úiinen shyqpaýǵa keńes berdi.
«Qalanyń qaýipsizdigi shekteý sharalaryn múltiksiz oryndaýǵa tikelei bailanysty», - dedi ol.
Aita ketý kerek, Almatyda karantin rejimi 19 naýryzdan bastap engizilgen bolatyn. 28 naýryzdan bastap karantin sharalary kúsheitildi.
Al Qazaqstanda COVID-19 pandemiiasyna bailanysty 16 naýryzdan 15 sáýirge deiin tótenshe jaǵdai rejimi jariialanǵan bolatyn.
