كوروناۆيرۋس ينفەكتسيياسىنىڭ تارالۋ قارقىنىنا بايلانىستى الماتىدا قاتاڭ كارانتين رەجيمٸ 13 سەۋٸردەن كەيٸن دە ساقتالا ما? بۇل سۇراققا قالالىق تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى ايزات مولداقاسىموۆا جاۋاپ بەردٸ, - دەپ حابارلايدى قازاقپارات.
ونلاين بريفينگ بارىسىندا ول سوڭعى ۋاقىتتا قالادا كوروناۆيرۋس ينفەكتسيياسىن جۇقتىرۋ جاعدايلارى سيرەگەنٸن ايتتى.
«مەنٸڭشە, كارانتيندٸ ەلٸ توقتاتقان جوق. شەكتەۋ شارتتارى ەلٸ دە ساقتاۋ كەرەك. اۋرۋ جۇقتىرۋ كٶرسەتكٸشٸنٸڭ ازايۋى ەڭ الدىمەن ادامداردىڭ وقشاۋلانۋىنا بايلانىستى بولىپ وتىر», - دەدٸ ا.مولداقاسىموۆا.
الماتىنىڭ باس سانيتارلىق دەرٸگەرٸ قالا تۇرعىندارىنا ٷيٸنەن شىقپاۋعا كەڭەس بەردٸ.
«قالانىڭ قاۋٸپسٸزدٸگٸ شەكتەۋ شارالارىن مٷلتٸكسٸز ورىنداۋعا تٸكەلەي بايلانىستى», - دەدٸ ول.
ايتا كەتۋ كەرەك, الماتىدا كارانتين رەجٸمٸ 19 ناۋرىزدان باستاپ ەنگٸزٸلگەن بولاتىن. 28 ناۋرىزدان باستاپ كارانتين شارالارى كٷشەيتٸلدٸ.
ال قازاقستاندا COVID-19 پاندەميياسىنا بايلانىستى 16 ناۋرىزدان 15 سەۋٸرگە دەيٸن تٶتەنشە جاعداي رەجيمٸ جارييالانعان بولاتىن.
