Almaty sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin onlain brifing barysynda qaladaǵy epidemiologiialyq ahýal jaily baiandady, dep habarlaidy "Ult aqparat".
Onyń aitýynsha, búginde Almaty qalasynda KVI boiynsha epidemiologiialyq jaǵdai qaýyrt kúiinde qalyp otyr.
«Almaty «sary» aimaqta tur. Sondyqtan, qaladaǵy epidemiologiialyq jaǵdaidy baǵalaý matritsasynda shekteý sharalaryn baqylaýdy kúsheitý qajet bolyp otyr», - dedi Bekshin.
Onyń aitýynsha, qalada indettiń ekinshi tolqyny qazan aiynda bastalǵan.
«Úsh aida KVI jaǵdailarynyń tirkelýi 14 ese ósti (qyrkúiekte – 165 jaǵdai, qazanda – 366 jaǵdai), iaǵni 1 aida 2,2 ese ósken. Qarashada – 1399 jaǵdai, jeltoqsanda - 2256 jaǵdai tirkeldi. Qańtar aiynyń 6 kúninde koronavirýstyń 600-den astam faktisi tirkeldi. Qańtar aiyna arnalǵan boljam onsha jaǵymdy bolmai otyr. Osy aida 4500 jaǵdaiǵa deiin tirkelýi múmkin», - dedi Bekshin.
