الماتى سانيتارييالىق-ەپيدەميولوگييالىق باقىلاۋ دەپارتامەنتٸنٸڭ باسشىسى, قالانىڭ باس مەملەكەتتٸك سانيتار دەرٸگەرٸ جانداربەك بەكشين ونلاين بريفينگ بارىسىندا قالاداعى ەپيدەميولوگييالىق احۋال جايلى باياندادى, دەپ حابارلايدى "ۇلت اقپارات".
ونىڭ ايتۋىنشا, بٷگٸندە الماتى قالاسىندا كۆي بويىنشا ەپيدەميولوگييالىق جاعداي قاۋىرت كٷيٸندە قالىپ وتىر.
«الماتى «سارى» ايماقتا تۇر. سوندىقتان, قالاداعى ەپيدەميولوگييالىق جاعدايدى باعالاۋ ماتريتساسىندا شەكتەۋ شارالارىن باقىلاۋدى كٷشەيتۋ قاجەت بولىپ وتىر», - دەدٸ بەكشين.
ونىڭ ايتۋىنشا, قالادا ٸندەتتٸڭ ەكٸنشٸ تولقىنى قازان ايىندا باستالعان.
«ٷش ايدا كۆي جاعدايلارىنىڭ تٸركەلۋٸ 14 ەسە ٶستٸ (قىركٷيەكتە – 165 جاعداي, قازاندا – 366 جاعداي), ياعني 1 ايدا 2,2 ەسە ٶسكەن. قاراشادا – 1399 جاعداي, جەلتوقساندا - 2256 جاعداي تٸركەلدٸ. قاڭتار ايىنىڭ 6 كٷنٸندە كوروناۆيرۋستىڭ 600-دەن استام فاكتٸسٸ تٸركەلدٸ. قاڭتار ايىنا ارنالعان بولجام ونشا جاعىمدى بولماي وتىر. وسى ايدا 4500 جاعدايعا دەيٸن تٸركەلۋٸ مٷمكٸن», - دەدٸ بەكشين.
