Almaty turǵyndary trolleibýstardyń júrýine shaǵymdana bastady. Jolaýshylardyń narazylyǵyna «Almatyelektrotrans» JShS ókilderi jaýap berdi, dep habarlaidy QazAqparat tilshisi.
«Qurmetti jolaýshylar, №8 podstansadaǵy jeliniń zaqymdanýyna bailanysty búgin №11 marshrýt boiynsha 20 trolleibýstyń 10-y, №25 marshrýt boiynsha 31 trolleibýstyń 16-sy, №7 marshrýt boiynsha 27 trolleibýstyń 14-i, №19 marshrýt boiynsha 17 trolleibýstyń 9-y ǵana shyǵady. Kólikterdiń arasyndaǵy interval uzaq bolady», - dep jazdy «Almatyelektrotrans» JShS Facebook -tegi paraqshasynda.
Sonymen qatar, Qabanbai batyr kóshesinde toq kerneýi az bolǵandyqtan, №9 trolleibýs baǵdary tolyq jabyq bolady.
Kompaniia ýaqytsha qolaisyzdyqtar úshin keshirim surady.
