Foto: Gov.kz
Zaǵip jáne nashar kóretin azamattarǵa arnalǵan respýblikalyq kitaphanada Qazaqstannyń halyq jazýshysy, aqyn, dramatýrg ári sazger Israil Saparbaidyń shyǵarmashylyǵyna arnalǵan «Jyr aidynynyń alyp kemesi» atty eske alý keshi ótti, dep habarlaidy Ult.kz.
Is-shara aqynnyń mol ádebi murasyn nasihattap, qazaq poeziiasy men ádebietiniń damýyna eleýli úles qosqan tulǵanyń eńbegin keńinen tanytýǵa baǵyttaldy.
Kesh barysynda kópshilikke Israil Saparbaidyń shyǵarmalary toptastyrylǵan kórme usynylyp, aqynnyń ómiri men shyǵarmashylyq joly týraly beinerolik kórsetildi.
Jiyn sońynda qatysýshylar aqyn óleńderin oqyp, onyń sózine jazylǵan ánderdi oryndady. Olardyń qatarynda «Men qazaq qyzdaryna qairan qalam», «Mahabbat máńgi ertegi», «Saǵynysh» sekildi halyq arasynda keń taralǵan týyndylar boldy.
