زاعيپ جەنە ناشار كٶرەتٸن ازاماتتارعا ارنالعان رەسپۋبليكالىق كٸتاپحانادا قازاقستاننىڭ حالىق جازۋشىسى, اقىن, دراماتۋرگ ەرٸ سازگەر يسرايل ساپاربايدىڭ شىعارماشىلىعىنا ارنالعان «جىر ايدىنىنىڭ الىپ كەمەسٸ» اتتى ەسكە الۋ كەشٸ ٶتتٸ, دەپ حابارلايدى Ult.kz.
ٸس-شارا اقىننىڭ مول ەدەبي مۇراسىن ناسيحاتتاپ, قازاق پوەزيياسى مەن ەدەبيەتٸنٸڭ دامۋىنا ەلەۋلٸ ٷلەس قوسقان تۇلعانىڭ ەڭبەگٸن كەڭٸنەن تانىتۋعا باعىتتالدى.
كەش بارىسىندا كٶپشٸلٸككە يسرايل ساپاربايدىڭ شىعارمالارى توپتاستىرىلعان كٶرمە ۇسىنىلىپ, اقىننىڭ ٶمٸرٸ مەن شىعارماشىلىق جولى تۋرالى بەينەروليك كٶرسەتٸلدٸ.
جيىن سوڭىندا قاتىسۋشىلار اقىن ٶلەڭدەرٸن وقىپ, ونىڭ سٶزٸنە جازىلعان ەندەردٸ ورىندادى. ولاردىڭ قاتارىندا «مەن قازاق قىزدارىنا قايران قالام», «ماحاببات مەڭگٸ ەرتەگٸ», «ساعىنىش» سەكٸلدٸ حالىق اراسىندا كەڭ تارالعان تۋىندىلار بولدى.
