Foto: Polisia.kz
Almaty qalasynda esirtki zattaryn saqtap, bólshektep taratýǵa arnalǵan oryn joiyldy. Bul týraly Polisia.kz habarlady.
Politsiia qyzmetkerleri jedel-izdestirý sharalary barysynda kúdiktini anyqtap, onyń turǵylyqty mekenjaiynda tintý júrgizgen. Nátijesinde kannabis syǵyndysy, marihýana men gashish tárkilendi.
Sondai-aq elektrondy tarazylar, vakýýmdy qaptaý qurylǵylary jáne býyp-túiýge arnalǵan materialdar tabylǵan. Bul zattardyń esirtkini bólshektep, zańsyz taratýǵa daiyndalǵanyn kórsetedi.
Tárkilengen esirtki kólemi úsh keliden asqan. Kúdikti ýaqytsha ustaý izoliatoryna qamaldy.
Almaty qalasy politsiia departamenti esirtki qylmysyna qarsy is-qimyl basqarmasynyń bastyǵy Batýrjan Abdýmasarov iri kólemdegi esirtki partiiasy zańsyz ainalymnan alynǵanyn málimdedi.
Qazirgi ýaqytta esirtkiniń jetkizilý arnalary men yqtimal bailanystardy anyqtaýǵa baǵyttalǵan tergeý amaldary júrgizilip jatyr.
