Almatyda dárigerleri koronavirýs juqtyrǵan aýrýhananyń qabyldaý bólimi men taǵy bir bólimi karantinge jabyldy, - dep habarlaidy Qalalyq qoǵamdyq densaýlyq saqtaý basqarmasynyń baspasóz qyzmeti.
Buǵan deiin №12 ortalyq qalalyq klinikalyq aýrýhananyń 12 qyzmetkeri infektsiia juqtyrǵanyn habarlaǵan bolatyn.
Qalalyq qoǵamdyq densaýlyq saqtaý basqarmasynyń baspasóz qyzmeti habarlaǵandai, osyǵan bailanysty qalalyq ortalyq klinikalyq aýrýhananyń qabyldaý bólimi men taǵy bir bólimi karantinge jabyldy.
«Naýqastardy qabyldaý bólimi men bir bólim dezinfektsiia jasaý úshin jabyldy. Indet juqtyrǵandarmen jaqyn bailanysta bolǵan qyzmetkerler baqylaýǵa alyndy. Inkýbatsiialyq kezeń 14 kún bolǵandyqtan osy ýaqytta, iaǵni qyzmetkerler kezekshilikte bolǵan kúnderi bailanysta bolǵan patsientter de izdestirilip jatyr», - dedi basqarmanyń baspasóz qyzmetinen.
