الماتىدا دەرٸگەرلەرٸ كوروناۆيرۋس جۇقتىرعان اۋرۋحانانىڭ قابىلداۋ بٶلٸمٸ مەن تاعى بٸر بٶلٸمٸ كارانتينگە جابىلدى, - دەپ حابارلايدى قالالىق قوعامدىق دەنساۋلىق ساقتاۋ باسقارماسىنىڭ باسپاسٶز قىزمەتٸ.
بۇعان دەيٸن №12 ورتالىق قالالىق كلينيكالىق اۋرۋحانانىڭ 12 قىزمەتكەرٸ ينفەكتسييا جۇقتىرعانىن حابارلاعان بولاتىن.
قالالىق قوعامدىق دەنساۋلىق ساقتاۋ باسقارماسىنىڭ باسپاسٶز قىزمەتٸ حابارلاعانداي, وسىعان بايلانىستى قالالىق ورتالىق كلينيكالىق اۋرۋحانانىڭ قابىلداۋ بٶلٸمٸ مەن تاعى بٸر بٶلٸمٸ كارانتينگە جابىلدى.
«ناۋقاستاردى قابىلداۋ بٶلٸمٸ مەن بٸر بٶلٸم دەزينفەكتسييا جاساۋ ٷشٸن جابىلدى. ٸندەت جۇقتىرعاندارمەن جاقىن بايلانىستا بولعان قىزمەتكەرلەر باقىلاۋعا الىندى. ينكۋباتسييالىق كەزەڭ 14 كٷن بولعاندىقتان وسى ۋاقىتتا, ياعني قىزمەتكەرلەر كەزەكشٸلٸكتە بولعان كٷندەرٸ بايلانىستا بولعان پاتسيەنتتەر دە ٸزدەستٸرٸلٸپ جاتىر», - دەدٸ باسقارمانىڭ باسپاسٶز قىزمەتٸنەن.
