COVID-19-dyń aldyn alý jáne onyń taralýyna jol bermeý maqsatynda Almaty mektepterinde sanitariialyq-epidemiialyq is-shara kesheni ótkizildi. Bul týraly ortalyq kommýnikatsiialar qyzmetiniń baspasóz máslihatynda Almaty ákiminiń orynbasary Erjan Babaqumarov málim etti, dep habarlaidy QazAqparat.
Onyń aitýynsha, Almatyda 75 mektep bir aýysymdyq, 194 mektep eki aýysymdyq, 1 mektep – úsh aýysymdyq rejimde jumys isteidi.
«Qalada 1 qyrkúiekten bastap oflain formatta 287 265 oqýshy oqidy, onyń ishinde KVI infektsiiasy - 1287 jaǵdai tirkelgen. Onlain rejimde 19 128 oqýshy oqidy, onyń ishinde 1039 KVI jaǵdaiy, barlyǵy – 2326 jaǵdai tirkelgen. Oflain formatta oqityn oqýshylar arasynda KVI juqtyrý sany onlain rejimde oqityn oqýshylar arasynda juqtyrý jaǵdaiynan 12 ese tómen, óitkeni mektepterde shekteý sharalary ornatylǵan, profilaktikalyq jáne epidemiiaǵa qarsy is-sharalardyń saqtalýyna baqylaý júrgiziledi», -deidi ol.
Sonymen qatar ol mektep oqýshylarynyń arasynda indet qarqyny baiaýlaǵanyn aitty.
«Jalpy, oqýshylar arasynda KVI dertin juqtyrýdyń tómendeýi baiqalady, eger tamyz-qyrkúiek ailarynda táýligine KVI juqtyrýdyń 100-den astam jaǵdaiy tirkelse, qazirgi ýaqytta KVI 38-46 jaǵdaiǵa deiin tómendedi», -deidi Almaty ákiminiń orynbasary.
COVID-19-dyń aldyn alý jáne onyń taralýyna jol bermeý maqsatynda mektepterde mynadai sanitarlyq-epidemiologiialyq is-sharalar júrgizildi:
- bastaýysh, orta jáne joǵary synyptarǵa arnalǵan ǵimarattarǵa jeke kirý esikteri bólingen;
- áleýmettik qashyqtyq belgileri jańartyldy, mektep kireberisinde qyzmetkerler men ózge de kelýshilerdi tirkeý úshin «Ashyq» qosymshasynyń QR-kodtary bar (100%);
- zerthanalyq, praktikalyq sabaqtardy qospaǵanda, kabinettik oqytý júiesi joiyldy;
- mektepter jýý jáne dezinfektsiialaý quraldarymen, sanitaizerlermen qamtamasyz etilgen, jalpy paidalaný oryndarynda (ashanalar, dálizder, sport zaldary)aýany zararsyzdandyrýǵa arnalǵan retsirkýliatorlar ornatylady;
- ár aýysym aldynda oqýshylar men qyzmetkerlerdiń kúndelikti súzgisin ótkizý uiymdastyrylǵan;
- mektep qyzmetkerlerine tolyq ekpe jasaldy
«Epidemiiaǵa qarsy is-sharalardyń saqtalýyna turaqty baqylaý júrgizý úshin mektepterde bilim basqarmasynyń ókilderimen birlesip monitoring toby jumys isteidi. Monitoringilik toptar 21 mektepti tekserdi, Áýezov, Alataý jáne Bostandyq aýdandarynyń 5 mektebinde shekteý is-sharalarynyń buzylýy anyqtaldy, buzýshylyqtardy joiý boiynsha usynystar berildi, osy baǵyttaǵy jumystar jalǵasýda», - dedi Erjan Babaqumarov.
Sonymen qatar, ol qalada vaktsinalaýǵa jatatyn muǵalimder 100% egilgenin atap ótti.
Almaty ákimi orynbasarynyń aitýynsha, joǵary oqý oryndarynda da osyndai jumystar júrgizilýde. Qalada barlyǵy 37 JOO bar. 2021 jylǵy 1-6 qyrkúiek aralyǵynda Almatyda onlain oqytý rejiminde JOO stýdentteri arasynda KVI-diń 149 jaǵdaiy tirkeldi.
Vaktsinamen oqytýshylardy qamtý jalpy sanynan 80% (17 496 adam), stýdentterdi 50% (92 433 stýdent) quraidy. Jumys jalǵasýda.
Joǵary jáne arnaýly orta oqý oryndarynyń jataqhanalary men oqý korpýstarynda Ashyq júiesi jáne termometriia arqyly kirý júzege asqan, dezinfektsiialyq rejim kúsheitildi, sanitaizerler men retsirkýliatorlar ornatylǵan, meditsinalyq baqylaý kúsheitildi.
