COVID-19-دىڭ الدىن الۋ جەنە ونىڭ تارالۋىنا جول بەرمەۋ ماقساتىندا الماتى مەكتەپتەرٸندە سانيتارييالىق-ەپيدەمييالىق ٸس-شارا كەشەنٸ ٶتكٸزٸلدٸ. بۇل تۋرالى ورتالىق كوممۋنيكاتسييالار قىزمەتٸنٸڭ باسپاسٶز مەسليحاتىندا الماتى ەكٸمٸنٸڭ ورىنباسارى ەرجان باباقۇماروۆ مەلٸم ەتتٸ, دەپ حابارلايدى قازاقپارات.
ونىڭ ايتۋىنشا, الماتىدا 75 مەكتەپ بٸر اۋىسىمدىق, 194 مەكتەپ ەكٸ اۋىسىمدىق, 1 مەكتەپ – ٷش اۋىسىمدىق رەجيمدە جۇمىس ٸستەيدٸ.
«قالادا 1 قىركٷيەكتەن باستاپ وفلاين فورماتتا 287 265 وقۋشى وقيدى, ونىڭ ٸشٸندە كۆي ينفەكتسيياسى - 1287 جاعداي تٸركەلگەن. ونلاين رەجيمدە 19 128 وقۋشى وقيدى, ونىڭ ٸشٸندە 1039 كۆي جاعدايى, بارلىعى – 2326 جاعداي تٸركەلگەن. وفلاين فورماتتا وقيتىن وقۋشىلار اراسىندا كۆي جۇقتىرۋ سانى ونلاين رەجيمدە وقيتىن وقۋشىلار اراسىندا جۇقتىرۋ جاعدايىنان 12 ەسە تٶمەن, ٶيتكەنٸ مەكتەپتەردە شەكتەۋ شارالارى ورناتىلعان, پروفيلاكتيكالىق جەنە ەپيدەميياعا قارسى ٸس-شارالاردىڭ ساقتالۋىنا باقىلاۋ جٷرگٸزٸلەدٸ», -دەيدٸ ول.
سونىمەن قاتار ول مەكتەپ وقۋشىلارىنىڭ اراسىندا ٸندەت قارقىنى باياۋلاعانىن ايتتى.
«جالپى, وقۋشىلار اراسىندا كۆي دەرتٸن جۇقتىرۋدىڭ تٶمەندەۋٸ بايقالادى, ەگەر تامىز-قىركٷيەك ايلارىندا تەۋلٸگٸنە كۆي جۇقتىرۋدىڭ 100-دەن استام جاعدايى تٸركەلسە, قازٸرگٸ ۋاقىتتا كۆي 38-46 جاعدايعا دەيٸن تٶمەندەدٸ», -دەيدٸ الماتى ەكٸمٸنٸڭ ورىنباسارى.
COVID-19-دىڭ الدىن الۋ جەنە ونىڭ تارالۋىنا جول بەرمەۋ ماقساتىندا مەكتەپتەردە مىناداي سانيتارلىق-ەپيدەميولوگييالىق ٸس-شارالار جٷرگٸزٸلدٸ:
- باستاۋىش, ورتا جەنە جوعارى سىنىپتارعا ارنالعان عيماراتتارعا جەكە كٸرۋ ەسٸكتەرٸ بٶلٸنگەن;
- ەلەۋمەتتٸك قاشىقتىق بەلگٸلەرٸ جاڭارتىلدى, مەكتەپ كٸرەبەرٸسٸندە قىزمەتكەرلەر مەن ٶزگە دە كەلۋشٸلەردٸ تٸركەۋ ٷشٸن «Ashyq» قوسىمشاسىنىڭ QR-كودتارى بار (100%);
- زەرتحانالىق, پراكتيكالىق ساباقتاردى قوسپاعاندا, كابينەتتٸك وقىتۋ جٷيەسٸ جويىلدى;
- مەكتەپتەر جۋۋ جەنە دەزينفەكتسييالاۋ قۇرالدارىمەن, سانيتايزەرلەرمەن قامتاماسىز ەتٸلگەن, جالپى پايدالانۋ ورىندارىندا (اسحانالار, دەلٸزدەر, سپورت زالدارى)اۋانى زارارسىزداندىرۋعا ارنالعان رەتسيركۋلياتورلار ورناتىلادى;
- ەر اۋىسىم الدىندا وقۋشىلار مەن قىزمەتكەرلەردٸڭ كٷندەلٸكتٸ سٷزگٸسٸن ٶتكٸزۋ ۇيىمداستىرىلعان;
- مەكتەپ قىزمەتكەرلەرٸنە تولىق ەكپە جاسالدى
«ەپيدەميياعا قارسى ٸس-شارالاردىڭ ساقتالۋىنا تۇراقتى باقىلاۋ جٷرگٸزۋ ٷشٸن مەكتەپتەردە بٸلٸم باسقارماسىنىڭ ٶكٸلدەرٸمەن بٸرلەسٸپ مونيتورينگ توبى جۇمىس ٸستەيدٸ. مونيتورينگٸلٸك توپتار 21 مەكتەپتٸ تەكسەردٸ, ەۋەزوۆ, الاتاۋ جەنە بوستاندىق اۋداندارىنىڭ 5 مەكتەبٸندە شەكتەۋ ٸس-شارالارىنىڭ بۇزىلۋى انىقتالدى, بۇزۋشىلىقتاردى جويۋ بويىنشا ۇسىنىستار بەرٸلدٸ, وسى باعىتتاعى جۇمىستار جالعاسۋدا», - دەدٸ ەرجان باباقۇماروۆ.
سونىمەن قاتار, ول قالادا ۆاكتسينالاۋعا جاتاتىن مۇعالٸمدەر 100% ەگٸلگەنٸن اتاپ ٶتتٸ.
الماتى ەكٸمٸ ورىنباسارىنىڭ ايتۋىنشا, جوعارى وقۋ ورىندارىندا دا وسىنداي جۇمىستار جٷرگٸزٸلۋدە. قالادا بارلىعى 37 جوو بار. 2021 جىلعى 1-6 قىركٷيەك ارالىعىندا الماتىدا ونلاين وقىتۋ رەجيمٸندە جوو ستۋدەنتتەرٸ اراسىندا كۆي-دٸڭ 149 جاعدايى تٸركەلدٸ.
ۆاكتسينامەن وقىتۋشىلاردى قامتۋ جالپى سانىنان 80% (17 496 ادام), ستۋدەنتتەردٸ 50% (92 433 ستۋدەنت) قۇرايدى. جۇمىس جالعاسۋدا.
جوعارى جەنە ارناۋلى ورتا وقۋ ورىندارىنىڭ جاتاقحانالارى مەن وقۋ كورپۋستارىندا Ashyq جٷيەسٸ جەنە تەرمومەترييا ارقىلى كٸرۋ جٷزەگە اسقان, دەزينفەكتسييالىق رەجيم كٷشەيتٸلدٸ, سانيتايزەرلەر مەن رەتسيركۋلياتورلار ورناتىلعان, مەديتسينالىق باقىلاۋ كٷشەيتٸلدٸ.
