Almatyda baǵanyń joǵary ósý qarqyny saqtalýda. Bul týraly Almaty ákimi Erbolat Dosaev Ortalyq kommýnikatsiialar qyzmeti alańynda málimdedi, dep habarlaidy QazAqparat.
Ákimniń aitýynsha, Almatyda jyl basynan beri 6 aidyń qorytyndysy boiynsha infliatsiia 10,3%-ti qurady.
«Infliatsiiaǵa negizgi úles birinshi kezekte azyq-túlik baǵasynyń ósýi esebinen qalyptasty. Ol 16,4%-ti qurady (jyldyq esepteýde - 19,5%). Eń kóp óskeni - qant (2 ese, 560 teńgege deiin), piiaz (+90,2%, 156 teńgege deiin), nan (+18,3%, 95 teńgege deiin), sút baǵasy (+18%, 328 teńgege deiin). Olardyń tutyný baǵasynyń indeksindegi úlesi 2,2 paiyzdyq tarmaqty qurady.
Degenmen, jumyrtqa baǵasynyń tómendeýi (0,4%-ke, 460 teńgege deiin) jáne siyr eti (0,9%-ke, 2 350 teńgege deiin), sary mai (5,6%-ke, 3 400 teńgege deiin), tuz baǵasynyń (6,5%-ke, 66 teńgege deiin) shamaly ósýi baiqalady», - dedi Erbolat Dosaev.
Ol sondai-aq jetkizý tizbeginiń buzylýy jáne teńge baǵamynyń turaqsyzdyǵyna bailanysty joǵary infliatsiialyq kútimder áli saqtalatynyn aitty.
