الماتىدا باعانىڭ جوعارى ٶسۋ قارقىنى ساقتالۋدا. بۇل تۋرالى الماتى ەكٸمٸ ەربولات دوساەۆ ورتالىق كوممۋنيكاتسييالار قىزمەتٸ الاڭىندا مەلٸمدەدٸ, دەپ حابارلايدى قازاقپارات.
ەكٸمنٸڭ ايتۋىنشا, الماتىدا جىل باسىنان بەرٸ 6 ايدىڭ قورىتىندىسى بويىنشا ينفلياتسييا 10,3%-تٸ قۇرادى.
«ينفلياتسيياعا نەگٸزگٸ ٷلەس بٸرٸنشٸ كەزەكتە ازىق-تٷلٸك باعاسىنىڭ ٶسۋٸ ەسەبٸنەن قالىپتاستى. ول 16,4%-تٸ قۇرادى (جىلدىق ەسەپتەۋدە - 19,5%). ەڭ كٶپ ٶسكەنٸ - قانت (2 ەسە, 560 تەڭگەگە دەيٸن), پيياز (+90,2%, 156 تەڭگەگە دەيٸن), نان (+18,3%, 95 تەڭگەگە دەيٸن), سٷت باعاسى (+18%, 328 تەڭگەگە دەيٸن). ولاردىڭ تۇتىنۋ باعاسىنىڭ يندەكسٸندەگٸ ٷلەسٸ 2,2 پايىزدىق تارماقتى قۇرادى.
دەگەنمەن, جۇمىرتقا باعاسىنىڭ تٶمەندەۋٸ (0,4%-كە, 460 تەڭگەگە دەيٸن) جەنە سيىر ەتٸ (0,9%-كە, 2 350 تەڭگەگە دەيٸن), سارى ماي (5,6%-كە, 3 400 تەڭگەگە دەيٸن), تۇز باعاسىنىڭ (6,5%-كە, 66 تەڭگەگە دەيٸن) شامالى ٶسۋٸ بايقالادى», - دەدٸ ەربولات دوساەۆ.
ول سونداي-اق جەتكٸزۋ تٸزبەگٸنٸڭ بۇزىلۋى جەنە تەڭگە باعامىنىڭ تۇراقسىزدىعىنا بايلانىستى جوعارى ينفلياتسييالىق كٷتٸمدەر ەلٸ ساقتالاتىنىن ايتتى.
