Almaty qalasynda birqatar aýyr jáne asa aýyr qylmystarǵa qatysy bar degen kúdikpen qylmystyq toptyń joly kesildi dep habarlaidy Ult.kz.
Ishki ister ministrliginiń málimetinshe, 8 mamyr kúni politsiia qyzmetkerleri 10 adamnan turatyn qylmystyq top múshelerin ustaǵan. Olardyń arasynda buryn sottalǵan, qylmystyq ortada júrgen tulǵalar da bar.
Tergeý derekterine sáikes, kúdiktiler qarý qoldanylǵan buzaqylyq, bopsalaý, densaýlyqqa aýyr ziian keltirý, sondai-aq qarý-jaraq pen tyiym salynǵan zattardyń zańsyz ainalymyna qatysy bolýy múmkin.
Arnaiy operatsiia barysynda 21 sanktsiialanǵan tintý júrgizilgen. Nátijesinde zańsyz ainalymnan birneshe atys jáne travmatikalyq qarý, kesilgen myltyqtar, oq-dáriler jáne Kalashnikov avtomaty tárkilendi.
IIM málimetinshe, tabylǵan avtomat qańtar oqiǵasy kezinde Jambyl oblysy politsiia departamentinen urlanǵan qarý bolýy múmkin.
Qazirgi ýaqytta kúdiktiler ýaqytsha ustaý izoliatoryna qamalyp, sottyń sanktsiiasymen qamaýǵa alý túrindegi bultartpaý sharasy qoldanyldy.
Quqyq qorǵaý organdary qylmystyq áreketterdiń qosymsha epizodtaryn jáne ózge de qatysy bar tulǵalardy anyqtaý jumystaryn jalǵastyryp jatyr.
IIM uiymdasqan qylmysqa qarsy kúres departamentiniń ókili Qýandyq Alpystyń aitýynsha, qoǵamdyq qaýipsizdikti qamtamasyz etý jáne qylmystyq toptardyń áreketin toqtatý baǵytyndaǵy jumystar jalǵasady.
