الماتى قالاسىندا بٸرقاتار اۋىر جەنە اسا اۋىر قىلمىستارعا قاتىسى بار دەگەن كٷدٸكپەن قىلمىستىق توپتىڭ جولى كەسٸلدٸ دەپ حابارلايدى Ult.kz.
ٸشكٸ ٸستەر مينيسترلٸگٸنٸڭ مەلٸمەتٸنشە, 8 مامىر كٷنٸ پوليتسييا قىزمەتكەرلەرٸ 10 ادامنان تۇراتىن قىلمىستىق توپ مٷشەلەرٸن ۇستاعان. ولاردىڭ اراسىندا بۇرىن سوتتالعان, قىلمىستىق ورتادا جٷرگەن تۇلعالار دا بار.
تەرگەۋ دەرەكتەرٸنە سەيكەس, كٷدٸكتٸلەر قارۋ قولدانىلعان بۇزاقىلىق, بوپسالاۋ, دەنساۋلىققا اۋىر زييان كەلتٸرۋ, سونداي-اق قارۋ-جاراق پەن تىيىم سالىنعان زاتتاردىڭ زاڭسىز اينالىمىنا قاتىسى بولۋى مٷمكٸن.
ارنايى وپەراتسييا بارىسىندا 21 سانكتسييالانعان تٸنتۋ جٷرگٸزٸلگەن. نەتيجەسٸندە زاڭسىز اينالىمنان بٸرنەشە اتىس جەنە تراۆماتيكالىق قارۋ, كەسٸلگەن مىلتىقتار, وق-دەرٸلەر جەنە كالاشنيكوۆ اۆتوماتى تەركٸلەندٸ.
ٸٸم مەلٸمەتٸنشە, تابىلعان اۆتومات قاڭتار وقيعاسى كەزٸندە جامبىل وبلىسى پوليتسييا دەپارتامەنتٸنەن ۇرلانعان قارۋ بولۋى مٷمكٸن.
قازٸرگٸ ۋاقىتتا كٷدٸكتٸلەر ۋاقىتشا ۇستاۋ يزولياتورىنا قامالىپ, سوتتىڭ سانكتسيياسىمەن قاماۋعا الۋ تٷرٸندەگٸ بۇلتارتپاۋ شاراسى قولدانىلدى.
قۇقىق قورعاۋ ورگاندارى قىلمىستىق ەرەكەتتەردٸڭ قوسىمشا ەپيزودتارىن جەنە ٶزگە دە قاتىسى بار تۇلعالاردى انىقتاۋ جۇمىستارىن جالعاستىرىپ جاتىر.
ٸٸم ۇيىمداسقان قىلمىسقا قارسى كٷرەس دەپارتامەنتٸنٸڭ ٶكٸلٸ قۋاندىق الپىستىڭ ايتۋىنشا, قوعامدىق قاۋٸپسٸزدٸكتٸ قامتاماسىز ەتۋ جەنە قىلمىستىق توپتاردىڭ ەرەكەتٸن توقتاتۋ باعىتىنداعى جۇمىستار جالعاسادى.
