Almatydaǵy kómekke muqtaj otbasylar qaladaǵy meshitterden únemi kómek alyp otyrady. Bul týraly óńirlik kommýnikatsiialar qyzmetiniń baspasóz máslihatynda Almaty qalasy bas imamynyń birinshi orynbasary Erjan Esim aitty, dep habarlaidy QazAqparat.
«Almaty ortalyq meshitinde 600-den astam kómekke muqtaj otbasy tirkelgen. Olar árdaiym ortalyq meshitten kómekter alyp turady. Qaladaǵy 52 meshittiń árbirinde osyndai muqtaj otbasylar tirkelgen. Olarǵa kómek kórsetý halyqtyń meshitke bergen qarajatynan júzege asyrylady», - dedi Erjan Esim.
Sondai-aq onyń aitýynsha, biyl pitir sadaqasyn unmen, qarajatpen jáne ramadan2022.kz saityndaǵy arnaiy «pitir sadaqa berý» batyrmasy arqyly berýge bolady.
Almaty Ortalyq meshitiniń ustazy Rýslan Qaiyrgeldi qaladaǵy 52 meshittiń 47-sinde taraýih namazdary oqylyp, quran hatym túsiriletinin aitty.
«Sondai-aq, qala meshitterinde túski jáne keshki namazadardan keiin dáris, sabaqtar ótkiziletin bolady. Ol jerden siz ózińizdi tolǵandyrǵan suraqtaryńyzǵa jaýap ala alasyz», - dedi ol.
Almaty qalasynyń bas imamy Tólebi Ospan «qadir túni» jaily óz oiyn aitty.
«Qadir túni - ramazan aiyn erekshe etetin qudaidyń bir syiy. Bul myń aiǵa teń keletin tún. Bul túndi uiqysyz ótkizsem degen maqsat joq. Degenmen, bul túndi qulyshylyqpen ótkizgen jón. Iaǵni, namaz oqý, quran oqý, duǵa jasaý syndy is árekettermen ókitzgen durys», - dedi bas imam.
