الماتىداعى كٶمەككە مۇقتاج وتباسىلار قالاداعى مەشٸتتەردەن ٷنەمٸ كٶمەك الىپ وتىرادى. بۇل تۋرالى ٶڭٸرلٸك كوممۋنيكاتسييالار قىزمەتٸنٸڭ باسپاسٶز مەسليحاتىندا الماتى قالاسى باس يمامىنىڭ بٸرٸنشٸ ورىنباسارى ەرجان ەسٸم ايتتى, دەپ حابارلايدى قازاقپارات.
«الماتى ورتالىق مەشٸتٸندە 600-دەن استام كٶمەككە مۇقتاج وتباسى تٸركەلگەن. ولار ەردايىم ورتالىق مەشٸتتەن كٶمەكتەر الىپ تۇرادى. قالاداعى 52 مەشٸتتٸڭ ەربٸرٸندە وسىنداي مۇقتاج وتباسىلار تٸركەلگەن. ولارعا كٶمەك كٶرسەتۋ حالىقتىڭ مەشٸتكە بەرگەن قاراجاتىنان جٷزەگە اسىرىلادى», - دەدٸ ەرجان ەسٸم.
سونداي-اق ونىڭ ايتۋىنشا, بيىل پٸتٸر ساداقاسىن ۇنمەن, قاراجاتپەن جەنە ramadan2022.kz سايتىنداعى ارنايى «پٸتٸر ساداقا بەرۋ» باتىرماسى ارقىلى بەرۋگە بولادى.
الماتى ورتالىق مەشٸتٸنٸڭ ۇستازى رۋسلان قايىرگەلدٸ قالاداعى 52 مەشٸتتٸڭ 47-سٸندە تاراۋيح نامازدارى وقىلىپ, قۇران حاتىم تٷسٸرٸلەتٸنٸن ايتتى.
«سونداي-اق, قالا مەشٸتتەرٸندە تٷسكٸ جەنە كەشكٸ نامازاداردان كەيٸن دەرٸس, ساباقتار ٶتكٸزٸلەتٸن بولادى. ول جەردەن سٸز ٶزٸڭٸزدٸ تولعاندىرعان سۇراقتارىڭىزعا جاۋاپ الا الاسىز», - دەدٸ ول.
الماتى قالاسىنىڭ باس يمامى تٶلەبي وسپان «قادٸر تٷنٸ» جايلى ٶز ويىن ايتتى.
«قادٸر تٷنٸ - رامازان ايىن ەرەكشە ەتەتٸن قۇدايدىڭ بٸر سىيى. بۇل مىڭ ايعا تەڭ كەلەتٸن تٷن. بۇل تٷندٸ ۇيقىسىز ٶتكٸزسەم دەگەن ماقسات جوق. دەگەنمەن, بۇل تٷندٸ قۇلىشىلىقپەن ٶتكٸزگەن جٶن. ياعني, ناماز وقۋ, قۇران وقۋ, دۇعا جاساۋ سىندى ٸس ەرەكەتتەرمەن ٶكٸتزگەن دۇرىس», - دەدٸ باس يمام.
