Almatyda 25 jastaǵy Erzat Egizbaidyń joǵalyp ketýi jurtty alańdatyp otyr. Jas jigit 19 mamyr kúni kúndiz jumys ornynan shyǵyp ketkennen keiin qaita oralmaǵan. Qazir ony politsiia men eriktiler uiymdary kúsheitilgen rejimde izdestirip jatyr, dep habarlaidy ult.kz.
Almaty arnasynyń habarlaýynsha, Erzat Shalqaruly Egizbai sol kúni saǵat 14:30 shamasynda Raiymbek dańǵyly boiyndaǵy qurylys nysanynan shyǵyp ketken. Sodan beri onymen bailanys úzilgen. Uialy telefony sońǵy ret Almaty oblysy Eńbekshiqazaq aýdanyndaǵy Esik mańyndaǵy “Kóksai” saiajaiy aýmaǵynda tirkelgen.
Týystarynyń aitýynsha, Erzat buǵan deiin eshqashan eskertýsiz ketip kórmegen. Ol quqyq qorǵaý organdarynyń esebinde turmaidy, qylmystyq jaýapkershilikke tartylmaǵan. Jaqyndary onyń dinge berik, bes ýaqyt namazyn qaza qylmaityn adam ekenin aitady.
Joǵalǵan jigittiń boiy shamamen 165–170 santimetr, dene bitimi ortasha. Ústinde qońyr jempir, qońyr keýdeshe, qara shalbar, qara krossovka jáne qara kepke bolǵan.
Qazirgi ýaqytta kriminaldyq politsiia Erzattyń memlekettik shekaradan ótpegenin, HQKO-larǵa júginbegenin jáne jazataiym oqiǵalar tirkeliminde joq ekenin anyqtaǵan. Sondai-aq Almatydaǵy aýrýhanalar, jedel járdem qyzmetteri men máiithanalar tekserilgenimen, ázirge eshqandai nátije shyqpaǵan.
Izdeý jumystaryna Almaty politsiia departamentiniń jeke quramy, sondai-aq “Qoǵam” jáne “Lider KZ” eriktiler uiymdary jumyldyryldy. Qala boiynsha baǵdarlamalar taratylyp, aýmaqtar jiti tekserilip jatyr.
Eger Erzat Egizbaidyń júrgen jeri týraly qandai da bir aqparat belgili bolsa, politsiianyń 102 nómirine nemese týystarynyń bailanys nómirine habarlasý suralady.
