Almatydaǵy №36 qalalyq emhananyń meditsina qyzmetkerlerine «Spýtnik V» vaktsinasy egildi, dep habarlaidy "Ult aqparat".
Emhananyń bas dárigeri Gúljainat Tilegen málim etkenindei, Naýryzbai aýdanynda ornalasqan tórt emhananyń 210 meditsina qyzmetkeri vaktsina saldyrýǵa ótinish bildirgen.
«Olardyń arasynda bizdiń klinikanyń 60 qyzmetkeri bar. Búgin bizdiń emhanaǵa 105 doza vaktsina jetkizildi. Alǵashqy 11 adamǵa vaktsina egildi. Vaktsina saldyrmas buryn barlyq qyzmetkerler dárigerdiń tekserýinen ótedi. Eger dene qyzýy 37 ° C-dan assa, vaktsinalaý keiinge qaldyrylady. Bir quty 5 adamǵa arnalǵan. Vaktsinalaýdan keiin qyzmetkerler arnaiy bólingen bólmede jarty saǵat áriptesteriniń baqylaýynda bolady. Qazir vaktsin alǵandardyń jaǵdaidy jaqsy, janama áserler anyqtalǵan joq «, - dedi Gúljainat Tilegen.
Almaty qalalyq qoǵamdyq densaýlyq saqtaý basqarmasynyń málimetteri boiynsha, aqpan aiynda 2050 meditsina qyzmetkeri vaktsina saldyrady. Onyń ishinde, birinshi kezekte, juqpaly aýrýlar aýrýhanalary, jedel meditsinalyq kómek, qarqyndy terapiia, alǵashqy meditsinalyq-sanitarlyq kómek, jedel járdem qyzmetkerleri, sanitarlyq-epidemiologiialyq qyzmettiń mamandary immýndaýdan ótedi.
