الماتىداعى №36 قالالىق ەمحانانىڭ مەديتسينا قىزمەتكەرلەرٸنە «سپۋتنيك V» ۆاكتسيناسى ەگٸلدٸ, دەپ حابارلايدى "ۇلت اقپارات".
ەمحانانىڭ باس دەرٸگەرٸ گٷلجاينات تٸلەگەن مەلٸم ەتكەنٸندەي, ناۋرىزباي اۋدانىندا ورنالاسقان تٶرت ەمحانانىڭ 210 مەديتسينا قىزمەتكەرٸ ۆاكتسينا سالدىرۋعا ٶتٸنٸش بٸلدٸرگەن.
«ولاردىڭ اراسىندا بٸزدٸڭ كلينيكانىڭ 60 قىزمەتكەرٸ بار. بٷگٸن بٸزدٸڭ ەمحاناعا 105 دوزا ۆاكتسينا جەتكٸزٸلدٸ. العاشقى 11 ادامعا ۆاكتسينا ەگٸلدٸ. ۆاكتسينا سالدىرماس بۇرىن بارلىق قىزمەتكەرلەر دەرٸگەردٸڭ تەكسەرۋٸنەن ٶتەدٸ. ەگەر دەنە قىزۋى 37 ° C-دان اسسا, ۆاكتسينالاۋ كەيٸنگە قالدىرىلادى. بٸر قۇتى 5 ادامعا ارنالعان. ۆاكتسينالاۋدان كەيٸن قىزمەتكەرلەر ارنايى بٶلٸنگەن بٶلمەدە جارتى ساعات ەرٸپتەستەرٸنٸڭ باقىلاۋىندا بولادى. قازٸر ۆاكتسين العانداردىڭ جاعدايدى جاقسى, جاناما ەسەرلەر انىقتالعان جوق «, - دەدٸ گٷلجاينات تٸلەگەن.
الماتى قالالىق قوعامدىق دەنساۋلىق ساقتاۋ باسقارماسىنىڭ مەلٸمەتتەرٸ بويىنشا, اقپان ايىندا 2050 مەديتسينا قىزمەتكەرٸ ۆاكتسينا سالدىرادى. ونىڭ ٸشٸندە, بٸرٸنشٸ كەزەكتە, جۇقپالى اۋرۋلار اۋرۋحانالارى, جەدەل مەديتسينالىق كٶمەك, قارقىندى تەراپييا, العاشقى مەديتسينالىق-سانيتارلىق كٶمەك, جەدەل جەردەم قىزمەتكەرلەرٸ, سانيتارلىق-ەپيدەميولوگييالىق قىزمەتتٸڭ ماماندارى يممۋنداۋدان ٶتەدٸ.
