Almaty ákimi Baqytjan Saǵyntaev týristerge órkenietti jaǵdai jasaý maqsatynda taý infraqurylymyn damytý qajet ekenin aitty, dep habarlaidy "Ult aqparat" qala ákimdigine silteme jasap.
B. Saǵyntaev buǵan deiin taýdaǵy qaýipsizdikti qamtamasyz etý úshin myńdaǵan shaqyrym taý marshrýtyn tsifrlandyryp, 500 shaqyrymyn abattandyrý jóninde aitqandaryn eske saldy.
«Qaýipsizdikti qamtamasyz etip qana qoimai, taý joryǵyn qyzyqty ári tanymdy etý úshin Gorelnik pen Aiýsai shatqaldarynda vizit ortalyqtar ashamyz», - dep jazdy Almaty ákimi jelidegi paraqshasynda.
B. Saǵyntaev jumys sapary kezinde olardyń áleýetimen tanysty. Munda qajetti jaǵdai jasalǵan — tamaqtaný orny, sanitarlyq-gigienalyq toraptar, jazǵy terrasalar men tegin Wi-Fi bar. «Tamyr» jabaiy tabiǵatta bolý mektebiniń eriktileri men kásibi alpinisteri tegin ekologiialyq sabaqtar ótkizedi. Týristerge marshrýttar týraly aqparat berilip, qaýipsizdik pen qorshaǵan ortaǵa uqypty qaraýdyń negizderi túsindiriledi.
Sondai-aq, ákim Ramada encore by Wyndham, Holiday Inn Express qonaq úilerinde, Novotel living pen Ibis brendi usynǵan «Jetisý» kópsalaly qonaq úi kesheniniń qurylys alańynda boldy. Qonaq úi infraqurylymyndaǵy bul nysandardyń negizgi artyqshylyǵy sapa men baǵa saiasatynyń úilesim tabýy jáne qolaily jailylyq pen yńǵailyǵynda. Osylaisha týristerdi ornalastyrý aýqymy keńeitiledi.
Buryn habarlanǵandai, ekologiialyq týrizmdi damytý jáne taýly aimaqtarda infraqurylymdy qurý aiasynda sońǵy 4 jylda 1000 shaqyrymnan astam taýly baǵyttar tsifrlandyryldy. Onyń ishinde jalpy uzyndyǵy 500 shaqyrymǵa jýyq 36 baǵyt abattandyryldy.
Tsifrlandyrylǵan baǵyttar onlain ári offlain rejiminde GPS-Ranger jáne 2Gis navigatorlarynda qoljetimdi. Navigatsiiany jaqsartý maqsatynda aqparattyq stendter, baǵyttardyń kúrdeliligi týraly aqparattyq kórsetikshter ornatylǵan.
2021 jyly qosymsha 170 shaqyrymǵa jýyq taý soqpaqtaryn abattandyrý jáne 4 kemping aimaqtaryn qurý josparlanýda. Sondai-aq taý týrizmin damytý boiynsha eki jobany iske asyrý qolǵa alynady. Olar — Medeu Resort týristik jáne Butakovka Med saýyqtyrý keshenderi. Bulardan ózge, «TsSKA» taý shańǵysy bazasyn modernizatsiialaý jáne qala turǵyndarynyń sporttyq-aǵartýshylyq belsendiligin arttyrý josparlanýda. Munda shańǵymen syrǵanaýǵa, tiýbignpen ainalysýǵa, jaz ailarynda sadaq atýǵa, atqa minýge jáne velosiped tebýge bolady.
Qonaq úi biznesin damytý aiasynda aǵymdaǵy jyly 4 qonaq úi keshenin paidalanýǵa berý josparlanǵan. Bular — 4 juldyzdy Novotel Living, Ramada Encore by Wyndham qonaq úileri jáne biýdjettik saiahatshylarǵa arnalǵan 3 juldyzdy IBIS, Holiday Inn Express qonaq úiler. Jalpy, Almatyda týristerdi ornalastyratyn 328 oryn bar, onyń ishinde qonaq úiler, hostelder jáne sanatoriiler.
